“港姐冠军”黄嘉雯今日（04/3）出席《慧妍雅集》44周年慈善晚会记者会。近日有新闻指她换大屋兼荣升马主，令她成为了传媒焦点。

北上食好嘢

黄嘉雯接受《香港01》访问，表示最近工作集中于《美食新闻报道》的工作，但除此之外，她亦透露近来喜欢上在深圳发掘美食。“我最近挑战食50间烧鹅店，喺大陆揾平靓正嘅烧鹅髀饭，唔使100蚊嘅。”虽说经常“食好嘢”，但神奇的是未见黄嘉雯有“发福”迹象，她回答：“系呀，但系我好钟意食啲好邪恶嘅嘢。”她亦透露，早前刚完成《璀璨之城》的拍摄。

忽然富贵？

早前黄嘉雯荣升马主，她透露感觉“得意”：“多咗个渠道俾人认识我，因为我只马都好叻，系团体马，跑咗四次就攞咗第一，可以拉头马，其实今晚我都要去睇佢跑。”她解释，团体马即是与一班朋友们一起做马主，其实花费并不如大家说的高。“我哋有一班朋友一齐夹份玩吓，一个人实在太贵啦。需要花费几多？其实佢好叻，赢咗头马之后可以自己养返自己。同埋今日慧妍都有event，希望今日可以拉一次头马。”早前有报道指她换屋住豪宅，她也解释说：“𠮶个系亲戚屋企，我系去拜年。唔系我屋企嚟，𠮶棵桃花树好靓，所以我自拍咗一张。我都想有间咁靓嘅屋。”问起感情状况，她透露感情未有着落：“如果有机会嘅话，希望都可以参加《女神配对计划》。”