前“东张女神”林泳淘（Wingto）因主持TVB节目《东张西望》时穿小背心、孭斜孭袋去采访，吸引不少宅男粉丝，她在2019年离巢后，2021年与拍拖14年的初恋男友林卓立结婚。日前林泳淘与老公庆祝相识20年，她在IG晒出恩爱合照，并撰长文分享两人之间的点滴及相处之道！

林泳淘与老公庆祝相识20年

林泳淘写道：“今朝早见到一篇令人好感触嘅文章～爷爷同嫲嫲结咗婚60年，佢个孙问佢，爱一个女人一辈子嘅秘诀系咩？佢爷爷话：要爱上不一样嘅佢，人喺唔同嘅阶段，经历唔同嘅事，谂法同个性上都会产生唔同嘅变化，如果冇调整爱佢嘅方式，唔去理解佢而家需要啲咩，好容易就会有人取代你嘅位置😂所以永远保持好奇，唔好定格喺啱啱认识嘅时候嘅佢，冷处理佢嘅感受。”

林泳淘与老公一起成长

林泳淘认为一段关系能不能够长久，很大程度上取决于互相的态度：“有时谂返十几岁啱啱一齐嘅我哋，同依家嘅我哋的确都已经好唔同，细个柴娃娃，做咩都好开心好容易满足，之后人大咗出嚟做嘢，再后来搬埋出嚟，离开咗屋企，要学识对自己嘅人生负责，学识交水电媒🤣我哋都一齐学习同成长，一齐经历好多唔同嘅烦恼。好多时有人问我哋咁多年唔会闷咩？唔⋯当然会有步伐不一致嘅时候，当然会有令人好无语嘅时候⋯但系我依然好钟意半夜唔俾佢瞓觉烦住佢deep talk，依然会好直白地讲出我嘅钟意同讨厌，依然会不断地重新欣赏佢嘅优点，所以唔同阶段嘅林生我都喜欢。（当然唔喜欢嘅位都非常非常之多🤣）”

林泳淘分享对婚姻看法

虽然现今社会，结婚同离婚都不算大事，但林泳淘就有自己的看法：“我嘅理解系，如果鬼揞眼娶咗或者嫁咗个的确唔系咁好嘅人，离开当然系一个选择，但如果只系因为外面嘅世界太精彩，轻易就觉得可以结婚同离婚，我会觉得有点可怕。结婚嘅誓言系，无论生老病死，顺境逆境，都愿意爱你、照顾你，呢个系一个好重嘅承诺。所以如果遇到一个真心相爱嘅人，请好好珍惜♥️因为你已经系世界上最幸福嘅人。”

林泳淘同老公被批天作之合

林泳淘在2021年公开婚讯时曾透露当初决定结婚缘于两次车祸：“话说大约系一年前，我同林生因为轮流炒车，我就带咗佢去拜拜还神（感谢神，最紧要人冇事）师傅见到我哋个八字就话，哇，你两个人真系天作之合，个八字咁夹嘅，有无谂住结婚呀？林生就好爽快咁话 : 有呀！呢次系我第一次听到自己要结婚嘅事，（事后先知，原来佢之前已经订好戒指，只系疫情关系一直卡住喺外国成年几都未寄到返香港XDD），跟住师傅好快就俾咗两个日子俾我哋，而其中一个，咁啱就系我哋嘅拍拖纪念日。（一切都是整定的）”