黄宗泽（Bosco）今日（08/3）出席尖沙咀代言活动。他接受传媒访问时，谈起6岁时拍下的童年照，透露细路仔时的他身形“有返咁上下”，更曾因身形被同学们取名“肥仔”，后来因被学校阿Sir捉去游水，体重就直线下降回复正常体重。

黄宗泽担任代言人拍广告，接受访问时他担起责任大谈自身经验的减肥血泪史，坦言随着年龄渐长，减肥变得愈加困难。记者问道，是不是“中年发福”？他回答：“而家真系容易肥，因为代谢慢咗。”他透露，自己是透过饮食和运动去keep fit。

他回忆道，小时候的他是名符其实的“肥仔”一名，就算是近年见到旧同学，旧同学们一样会用花名“肥仔”称呼他。“你知16，17岁，好多女同学喺侧边㗎嘛，你知我细个又肥，成日俾人话我肥，慢慢就会注意。叫到而家，我自己最friend嘅兄弟都叫我肥仔，改唔到口。（肥仔之前有没有加一个字？）‘死肥仔’？呢啲系口头禅。”

他接着说，能够减磅全靠当时一位老师。“我好感恩，当年遇到一个带我入泳队嘅阿Sir，佢系一个好风趣，好搞笑，好Open嘅阿Sir。佢话：‘系咁肥点沟女呀？嚟！入泳队操水！减肥。’佢叫丘Sir，我哋好钟意佢。每日放学都带我哋练水，又叫我唔准食薯条汉堡，要正正经经食饭。年几之后，就瘦返。（一年多就瘦下来？）𠮶时身陈代谢快呀嘛，老友，一个礼拜返5日学，操足5日，个几钟头，而家梗系唔得啦，哈哈哈。”

那么，最后瘦下来后，又有没有成功“沟到女”？他也回答：“咁讲，中学生青春期，少不免都要识吓女仔嘅，男女校嚟㗎嘛。（成功？）er⋯⋯健康咗啦。”

活动之上，黄宗泽除了穿上名牌西装，左手手上所戴的巨型霓虹蓝绿色（或称泳池蓝）宝石钻石戒指也是一大亮点。记者打算询问戒指的详情，却换来黄宗泽“无情”的拒绝，即时用手遮掩起来，并笑言：“睇嚟做咩啫？（好闪呀！）收埋佢，装饰嚟嘅。（人哋送？）装饰，装饰，衬吓衫啫，唔好太注意。（应该贵嘢嚟㖞！）哈哈，唔好太注意！装饰嚟嘅！我又唔使结婚又唔使生仔，啲钱揾到就系使喺呢啲啰。OK嘅，唔过份，适可而止。（你嘅唔过份同我哋嘅唔过份唔同⋯⋯）适可而止，适可而止，大家唔好浪费金钱吓，最紧要孝顺父母，管理身体，多谢。”

根据《香港01》记者从网络搜寻，揾到一枚非常相似的钻石戒指。18k白金钻石戒指镶嵌了一颗霓虹帕拉伊巴碧玺。一看价格更加不得了，盛惠27万欧元，即约242万港纸。