《全民造星IV》入行的杨安妮（WinWin）向来是跳舞高手，在电视上表现个性活泼好动，但在镜头后她原来受罕见病“先天性肺动静脉瘤”缠绕十年，血含氧量长期处于86，近日她分享自己这十年来接受手术的经历，指自己曾在没有麻醉情况下进行8小时肺部手术，早前因忙著工作忽视病情，结果呕血，不得不再做手术切除18cm肺部！尽管WinWin不停跟自己说“你仲有好多嘢未做，杨安妮你千万唔可以死住！”但她不讳言当时其实已跟好友讲定遗言，又问医生：“最Worst嘅死法会系点？”

患罕见肺病血含氧量极低　曾深宵呕血冷淡男友懒理

早前WinWin亮相《晚吹－怨女俱乐部》，分享患罕见病“先天性肺动静脉瘤”十年的经历，期间讲到自己深宵呕血，但当时的男友态度冷淡只顾玩电话，住院时更要她哀求才探望，由于她曾于《全民造星V》亚军黄家灏（KC）拍拖6年并同居，所以不少人都推测这位冷淡男友正是对方。而近日WinWin再于社交平台拍片谈及自己的病情，先介绍这个病：“呢个世界上其实系冇乜人有呢个病，我肺入面嘅血管系畸形，动脉嘅血同静脉嘅血系会流埋一齐，导致嘅后果就系我由细到大嘅血含氧量极低。正常人应该系95至100，我得86，但系我依然生存咗喺呢个世界上好耐，同埋我仲要继续做运动。”她指这个病有机会在20几至30几岁中风，而护士对于她仍“生勾勾”并不需闻氧气，无一不感到震惊。

22岁零麻醉做8小时手术　拖延病情致呕血：医生叫我切咗个肺

WinWin 20岁时在日本Working Holiday，当时因为做肺结核检测发现肺部有阴影，才得悉自己身患此病，至22岁回港做了第一次手术，历时8小时竟没有麻醉：“医生要将一啲金属嘅粒粒放入去我啲血管度塞住佢，有八个窿，一个窿要做一个钟，最后total做八个钟。重点系我冇全身麻醉，有条管喺大髀内侧直上去，feel到八个钟支嘢喺肺到系咁撩，好痛苦，我直头有走马灯。”到27岁时WinWin试过在家中突然晕低，几个月后更咳血，不能入眠：“一瞓低啲血就浊上嚟，几个医生都叫我直接切咗个肺，我冇决定即时做手术，𠮶阵有好多工作在身。”不过情况每况愈下，有机会被血浸亲肺部而窒息，已不由得她再拖，她忆述：“之后直头唔止咳血，系呕啲血出嚟！我系咪黐咗线？而家我一定惊到死，我已经同定朋友讲遗言，我真系惊有一日呕血呕到死咗，我真系决定揾一个切肺嘅名医，佢话佢一年切二百几个肺。”为免家人担心，WinWin做手术都是自己一个去，想不到手术后才是最痛苦，她自言是那段期间是“废人一个”。

术后无法呼吸拉亲伤口被逼坐住瞓　长疤痕影响跳舞

WinWin续说：“一出手术室𠮶下，我完全唞唔到气！个呼吸净系喺呢度（指住鼻子），你又唔可以大力呼吸，大力呼吸伤口全身会好痛，你系完全控制唔到自己，人生点解要经历呢啲咁嘅嘢？”当时她就连落床去厕所都会喘气，原本打算出院后，试著应付轻松家务，结果晾衫时扯伤，一整个星期都无法卧床睡觉，只可以自制病床坐著睡觉：“肺入面啲气泡系咁咕噜咕噜咗成个月，我完全瞓唔到觉，系咁俾啲咕噜咕噜嘈醒。我有几个疤，呢啲疤痕令到我之后跳唔到舞，好多跳舞动作都做唔返，而家都系。我用咗一年半嘅时间去练返条气，体力已经冇以前咁好，呢样嘢系好唔开心，又唔可以出街，惊俾人撞亲，闻到唔好嘅空气会细菌感染，我真系觉得好黐线。”

死过翻生变坚强女子　呼吁大家必须定期body check

不过，也正因经历完死过翻生，WinWin不讳言自己现时意志力非常之强，病痛、打针、感觉，对她来说都是超级小事：“我觉得成为咗一个非常坚强嘅女子！”她又感谢很多朋友去医院探病，多到令医院像Party Room般，就连医院都叫她不要再叫这么多朋友来。现时29岁的她，正进行康复及物理治疗，幸好近半年呼吸状况有进展，最后她又寄语大家：“健康真系好紧要，你有健康先做到你想做嘅嘢。所以大家要好好保重身体，定期做body check系好紧要！”