罗启豪与谭辉智将于6月联手登上红磡体育馆开唱，二人都是《中年好声音》出身，近年人气急升。据主办单位公布，演唱会门票分为$1,380及$580两种价位，掀起网民热议，不少网民质疑票价定位过高，认为与二人目前的音乐成就及市场号召力不成比例。有网民直言：“当佢哋都可以上红馆开演唱会，实在不明白为何红馆唔批期畀谢安琪再开演唱会？”亦有人比较票价指：“最想讲既系凭乜嘢号召力可以卖$1380？仲贵过好多一线歌手，林家谦最贵都系$1080，真系好抵睇。”

“红馆资格”再成热话

另有网民提起其他红馆开骚歌手作比较，留言道：“前一排仲有人话陈凯咏无资格开红馆，咁呢两个呢？连出过乜嘢歌都未知。”批评声音不绝。不过亦有支持者为二人抱不平，认为两位经历多年努力，由比赛节目走到能开红馆骚，已属值得鼓励的证明，有人留言表示：“票价高低见仁见智，只要有人愿意入场支持，就证明佢哋有市场。”

今日（10/3）罗启豪现身旺角出席嘉许典礼，他在接受《香港01》访问时表示：“其实票价𠮶啲都系由主办方去安排嘅，我都唔系好清楚佢哋点样去定，而佢哋为咗令我哋安心啲，就叫我哋专注返喺唱歌度，做好个骚。（会唔会降价？）我谂呢啲由主办方去决定，因为我冇得太多意见。”

绝对超越不到谢安琪

问到能在红馆开骚有否觉得已超越谢安琪时，罗启豪即表示：“绝对超越唔到，佢系我好钟意嘅一个前辈歌手，因为由佢第一只碟我已经有听，我知道主办方申请红馆嘅过程都几艰巨，我知道佢哋申请咗好多次，我谂我只可以做好自己嘅本分，同埋我觉得支持我哋嘅朋友都会继续支持我哋，明白到公众人物，总会遇到一啲嘅负面声音，我自己系冇去睇，不过系有人同我提过有啲咁嘅事，咁所以都系专注返自己。”

申请红馆入纸成功否认靠背景

对于有网民认为，他们能够成功申请在红馆举行演唱会，全凭家庭背景人脉关系，对此，罗启豪就笑言：“其实真系冇关系，因为呢一个唔系歌手自己出钱，真系主办睇到我哋欣赏我哋，然后想做就机会畀我哋，叫做帮我哋一把，喺呢个乐坛度进一级。”