陈庭欣（Toby）2010年勇夺《香港小姐》冠军、国际亲善小姐及旅游大使三奖，一出道便成为焦点。入行后涉猎主持同拍剧，形象正面。2018年，陈庭欣开始同身家逾10亿嘅彩丰行老板杨振源（Benny）拍拖8年，但去年底分手，现已离开九肚山3千呎爱巢，搬返黄大仙500呎单位独自生活，重新出发。

拜狐仙许愿念经

早前“金牌媒人”林盛斌（Bob）公开话要帮陈庭欣揾Mr.Right，已介绍两位合适男士。最近，Bob带她同无线《娱乐新闻台》主持潘盈慧去拜狐仙，祈求马年觅得良缘。陈庭欣在堂主郭玥彤协助下，下跪许愿，更诚心念足108次经文，场面极度虔诚。

陈庭欣今日（13/3）现身荃湾出席《博爱欢乐传万家》记者会。她接受《香港01》访问时表示：“拜完之后，最近工作量真系多咗，无论系一啲私人公司嘅工作，又或者系有啲慈善团体嘅工作都会多啲。咁所以阿Bob就即刻俾短讯我讲系咪掂呀。”

需要时间淡化自己

陈庭欣又指阿Bob有介绍男仔给她认识：“当中有一个系有机会见过面嘅，系参加咗佢公司嘅一个小小嘅event lunch，所以阿Bob又喺度问我倾成点。而呢个男士佢又搞紧匹克球场地，变咗同佢会有咗共同话题。不过讲真我唔急，始终都咁多年嘅时间入边，系需要少少多啲嘅日子，去淡化一下自己，同埋而家都可以享受全神贯注落返去工作方面。”