YouTuber混血肥仔（曾达恩Tommy）去年被爆偷食女主持丁丁，指与太太芊蕙子（Luby）签署分居协议书。近日有网民在讨论区分享一张英国法庭的资料截图，显示“TSANG TOMMY”于2025年12月31日被裁定“Assault by beating”（殴打）罪成。话题再度引发网民讨论，不少网民都指混血肥仔偷食再家暴，实为贱男行为。昨晚（17日）混血肥仔拍片交代一切，首次正面回应过去一年有关于出轨、家暴及抚养权等的指控。

混血肥仔不认为自己出轨

谈及被指出轨，混血肥仔澄清与芊蕙子分居后才了解其他对象，透露工作愈来愈忙，争吵亦愈来愈多：“呢份分居协议书，我哋双方喺后期有唔同嘅解读，呢点我系做得唔好嘅。自从上一份工作开始，工作越嚟越忙，我哋嘅争吵都越嚟越多。去到2024年2月，我哋开始讨论离婚嘅问题。当然当中部分系有WhatsApp记录，都有面对面嘅争论。去到6月尾7月头，大家口头上同意讨论分居协议书嘅内容，大致认为喺呢一刻大家嘅婚姻已经完结。”

他直言之后几个月，与芊蕙子一直有仔细讨论细节，至于为何会认为 双方有不同的解读，混血肥仔表示：“对方可能认为，就算我哋大家已经口头协议咗离婚，喺分居期间了解其他对象，都算我出轨。我会认为，大家都已经同意分居，我唔算出轨。点讲都好，我觉得我处理呢件事系处理得唔好嘅。”

混血肥仔重申没有放弃小朋友

提到有人指控混血肥仔一直扮好爸爸，想放弃两个小朋友，混血肥仔重申由头到尾都没有想过放弃小朋友：“我唔明点解有唔少英国圈子嘅人不断流传我要回流，甚至放弃佢哋。呢件事我除咗用时间去证明，冇其他方法去证明自己。由最开始我哋讨论离婚，对我嚟讲最大嘅挣扎，就系究竟比一个完整家庭嘅小朋友重要，定系比一个情绪稳定嘅家庭环境嘅小朋友重要呢？唔论答案系点都好，我相信呢两个答案都唔等同放弃。一年多过去，关于小朋友嘅安排，英国法院已经作出决定。喺审视双方提交嘅照顾纪录、出入境纪录，包括安全问题，以及相关资料之后，最终作出 Share Care 嘅安排，即系一人一半抚养权，大家一人一半嘅照顾时间。呢个决定唔系一次性作出，而系经过长时间审视文件、证据，以及过往照顾小朋友嘅情况之后作出嘅安排。我相信英国家事法庭喺作出呢啲安排嘅时候，系基于专业同完整资料所作出嘅判断。我一直相信比起街外人同所谓知情人士嘅观察嚟得专业。就算我唔系大家心目中嘅好爸爸，但系两年嚟嘅炒作同讲嘢对我同小朋友嘅生活有咩好处呢？呢啲大人咁做又真系对小朋友好咩？”