前无线资深艺人游飚于2026年2月24日离世，终年57岁。丧礼今日（21日）于红磡世界殡仪馆设灵，亲友及圈中好友前来送别，场面哀伤。灵堂布置庄严素雅，一众亲友及业界人士陆续到场致意，场面充满不舍与怀念。

游飚生前在演艺圈人缘极佳，合作过不少电视剧与电影，深受圈中同业尊重。其生前好友兼多年拍档黄文标亦有现身灵堂，协助丧礼事宜。他接受《香港01》访问时神情哀伤，难掩悲痛心情：“其实以我观察佢生前系冇病痛，同埋熬夜就应该唔使嘅，不过应酬就多啲，有时佢啲饭局排得好密。（佢有咩遗愿？）真系唔知，佢唯一个全副心机就系摆喺个女𠮶度。”

“重情重义”好友回忆旧事

谈到游飇生前为人，黄文标表示：“我最记得有一次，佢又突然间同我讲‘阿标你㓥咗架车，咁你咪冇车揸，我𠮶度有啲钱，你攞去买住车用住先啦’，我就话唔需要，我冇车我可以搭车嘅啫。但佢就话反正啲钱摆喺度，叫我攞去用住先，，我就话千祈唔好，第二日有需要要攞返嘅时候，我未必可以即刻俾得返你，咁我就即系拒绝咗佢你系睇到佢为人系好重情义嘅人嚟。”言语间满是怀念。

古天乐与演艺协会送别

被问到有否寻求古天乐帮忙？黄文标表示：“我有通知古生，佢就话有啲咩需要就随时揾佢，演艺人协会有做帛金过嚟，同埋有花牌。（游飚家属有否经济困难？）经济压力就一定有，因为经济之柱都系游生，而家佢突然间走咗，变咗个压力就喺个妈咪度，始终个女仲细得11岁，啱啱先准备升中一 ，咁所以个经济压力都有。”