龙婷将于5月23日在澳门银河G BOX举行“龙婷《旅程》巡回音乐会”澳门站，今日她接受访问时，就表示自己其实是第一次去澳门开个人骚：“我都未谂过，去咗澳大利亚先去澳门，竟然系澳大利亚先。”对于今次嘉宾人选，龙婷并没有卖关子，直接开估是《声秀》甄敏芳，她说：“今次我哋认真谂过呢样嘢，我哋去澳门，不如揾个澳门嘅靓女嚟做吓嘉宾，因为我都有关注佢比赛，就系《声秀》，佢叫Jenny，佢都有唱王菲啲歌，都谂吓睇吓会唔会有啲火花。我未见过佢真人，净系睇过段片，觉得佢OK。”

此外，讲到谭辉智与罗启豪将成为最先开红馆的《中年好声音》参赛者，龙婷指自己都随时准备好。而谈到近日相继有“中1生”离巢，问到是否觉得因无线太多选秀节目，僧多粥少影响机会，龙婷理解有很多人会这样想，但她有另一套看法。

预告大唱80年代Disco串烧歌　自爆横财运一般最劲曾中金蛇

先说演唱会，龙婷指今次又可以乘机买新歌衫，至于歌单方面，她希望挑战从未做过的80年代Disco串烧歌。而今次也会去澳门银河开骚，也顺道寓工作于娱乐，她说：“我之前有去银河做过几次赌场唱歌𠮶啲show，又好食又好住，好似去度假咁，大家都可以去借啲意睇演唱会去澳门玩一转，真系几好玩。（问：你最钟意食咩？）我钟意食马介休球！”去澳门当然要赌两手，龙婷自言不算有横财运，但试过在拉斯维加斯赢过100元美金，去年也有澳门玩老虎机赢了1000元。至于人生中过最大的大奖，她笑说：“最高一笔奖励就系旧年我哋TVB喺油麻地跨年，榕树头𠮶个，我中咗条金蛇，我同修哥（胡枫），目前为止最高啦，第时唔知。”

生日与Fans庆祝难忘收金造靓相　下月澳大利亚演出

4月3日是龙婷生日，她说自己一向不太庆祝，最多是煮餐饭给父母，但自从入行后就会跟Fans庆祝：“自从有咗fans之后，就唔系我嘅生日，系大家一齐玩嘅理由！我前几日朝头早起身，开电视揿YouTube，我睇西洋菜街最后一日𠮶条片，有啲已经去咗第二度，冇所谓，好似见到好多好朋友咁，但系有好多都系一路跟住我嘅，我睇返啲片，呢个旅程真系几好玩。”问到收过什么Fans送的礼物最难忘，她指试过收蛋糕、朱古力，但最难忘是一张金造的龙婷照片，她认为十分保值：“我话下一年可唔可以大啲？哈哈，讲笑，其实送咩俾我，大家一齐制造𠮶个气氛，个情绪价值系最紧要。”下月中她将与刘洋、李金凯去澳大利亚演出，她直言今年没旧年忙，但反而有时间思考如何做得更好：“每一次做演唱会，都可以加埋之前做嘅经验，好似头先你问我，有冇新嘢做，有呀，我有新嘢做，同埋好啱𠮶个场地做，大家一齐起身轻松吓！有时音乐做得好，唔使嗌佢哋就会起身，我都好想做一个好轻松嘅，大家一齐玩嘅。”

谭辉智罗启豪率先登红馆　龙婷视之为目标：有机会一定冲

《中年好声音》历届选手中，由谭辉智、罗启豪率先跑出，登上红馆舞台开演唱会，问龙婷会否视红馆为目标，她表示：“唱歌嘅人都系想去红馆开演唱会，都系我梦想，我暂时未得住。但系我旧年唱到今年，每一场加埋都……其实我一次过唱红馆或者分开十场做，我觉得都几好呀。（问：会往呢个方向进发？）其实我呢个人，我时刻准备住，有机会一定冲上去，我唔会拒绝，我好珍惜每一次演出！”

“中1生”相继离巢因机会少？龙婷靠直播积极开拓内地市场

近日同届“中1生”林彦言 (林鉫徫）、魏嘉信相继离开无线，问龙婷会否觉得因为选秀节目太多，僧多粥少下令各位签约后机会不够，龙婷说：“正常都会咁样谂，但系我反而系掉转，我觉得几时都系自己有能力或者自己去争取一啲机会，我唔系话好主动𠮶种，但系系边一方面呢？我会喺呢段时间，喺演唱会同演唱会之间，我去做直播，因为呢排香港可以做抖音直播，之前唔可以，我咪做多啲直播啰，都会接到内地邀请参加活动。香港你见到啦，几多艺人几多歌手，香港都系始终得香港咁大，但系如果我可以多啲出去喺内地或者外国，个市场系大好多。”