林盛斌（Bob）与罗子溢、王敏奕、赖慰玲及傅嘉莉等，今日在将军澳电视城出席新剧《警是个大佬》（暂名）开镜拜神。剧中饰演江湖大佬的阿Bob，经历意外变成植物人，期间灵魂出窍附身罗子溢，继而发展有个灵魂交错的故事。当中阿Bob更会与赖慰玲饰演一对拥有微妙的“红颜知己”关系。

Bob首当主演

阿Bob接受《香港01》访问时，直言对上一次拍电视剧已经是《美丽战场》，“𠮶时都系搞笑居多，但今次呢套戏系正剧，入面有啲黑色幽默，大家睇剧本时都觉得啲桥段几好笑，只要我哋认真去做，出嚟效果都会几好。”

阿Bob特别感谢珍姐（曾励珍）和监制林志华给予机会，让他能以主演角色身份参与：“我冇谂过可以同呢班咁好嘅演员合作，尤其系赖慰玲，我细细个就睇佢做戏，依家终于有机会同佢演一对‘红颜知己’嘅感觉。（但无身体接触？）我都想嘅。”赖慰玲补充：“我剧中同其他人身体接触时，会谂起佢嘅。”阿Bob搞笑说：“你睇下几浪漫！但我会争取（身体接触）嘅。”

赖慰玲大赞Bob有深度

对于首度与阿Bob演对手戏，赖慰玲直言充满期待。她更为拍档平反，指大众对阿Bob有误解：“大家睇阿Bob好似好搞笑，但其实佢讲正经嘢嘅时候系好有道理、好多谂法。我真系好想睇下佢做正剧时同我一齐‘挖深啲’，我觉得会喺佢身上学到嘢，因为佢对世事有种好独特、好宏观嘅睇法，呢个人其实好有深度。”

阿Bob亦言以往与赖慰玲多是在综艺节目合作，但平日看对方做戏已经觉得很好看，“佢系有种吸引力，我啲朋友都同我讲：‘喂，赖慰玲几靓、好正、好有味道！’所以今次有机会同佢有深度情感交流，我都要揾‘赖老师’教一教我嘢。”

赖慰玲笑言成“短裙”担当

提到在剧中的造型，赖慰玲笑言：“今次啲衫好多都系短裙，唔知点解依家监制开始俾啲短裙我，做咗‘美腿担当’。其实我对脚冇咁长，我会尽力拉长佢，希望上半身冇乜睇头就睇下半身啦！”另外，目前仍有为细仔喂哺母乳的赖慰玲，被问到开工怎么安排？赖慰玲透露剧集开工时，要同大仔飞一转，所以会迟少少入剧组。“但正正呢个Trip开始，我就会尝试同细仔分离一个星期，希望呢段时间真系可以戒得到人奶。其实细仔依家都开始食正餐同饮奶粉，人奶只系零食，所以我希望去完呢个Trip返嚟，大家都可以有返大家嘅空间。”

望公司多点制作让训练班学员多点机会

此外，赖慰玲现时也有身兼无线艺员训练班的演技训练导师，问到现时TVB开剧数量比以往激减，可会为一班训练班学生的前景担心？赖慰玲直言剧中有位新演员都是刚训练班毕业的学生，见到对方都很开心，“所以我都好希望有多啲制作，俾多啲机会佢哋。我平时见佢哋都无hea㗎，一有通告就好努力去应付。（有无跟妳诉苦无嘢捞？）又无嘅，每次见到佢哋都好正能量，唔算好忙，但有工作都会好努力做紧，态度好好。”

问到有无留意好姊妹陈凯琳参加内地综艺节目《乘风破浪的姐姐》（浪姐），赖慰玲称未有八卦，自己都是从新闻看到。对陈凯琳可有信心？赖慰玲直言：“佢百变玲珑，我对佢绝对有信心，佢唱歌跳舞都OK㗎！以前我哋喺佢屋企唱K，佢ok㗎，唔会魔音。”

Bob否认任五索公司春茗司仪20万酬劳

至于百足咁多爪的阿Bob，则透露2026年将会非常忙碌：“拍完剧之后会开综艺节目，仲筹备紧自己新嘅Talk Show，所以今年都好丰盛。”对于有传他担任五索公司春茗司仪酬劳高达20万，阿Bob笑著否认：“黐线，边有咁多！边间公司揾我做Annual Dinner我都会去，最紧要大家开心，总之友情价啦。”

阿Bob亦提到《女神配对计划2》正筹备中，希望能在暑假出街。他笑言：“我都好想睇下新一届海选会唔会又有啲好似‘鸡同鸭讲’𠮶啲咁爆嘅参赛者，或者系一啲广州同东莞嘅‘异地恋’。”对于网民希望看到刘颖旋、郭柏妍及游嘉欣等女神身影，阿Bob表示不排除，但要视乎本人意愿。赖慰玲闻言表示都想参加，阿Bob笑言若开拍《人妻偷食计划》，第一时间找她。