艺人林韦辰日前到新城广播接受李有毅（Ben）与儿子李国炜（Benson）主持的《Ben同Benson“Chur”到行》录音访问，大谈入行多年以来的点滴；林韦辰透露，当年TVB艺员训练班同学包括郑伊健、欧瑞伟等，并由著名武打唐佳亲授两个月武打训练，专门学习如何“畀人打”。

林韦辰解释：“拍戏要打上靶又要打下靶，打上靶要学识唔好打伤人，打下靶又要学识避，仲要拍出嚟似真嘅。”他直言电视台是人类潜能训练所：“平均一日可能得两三个钟头瞓觉，试过做完厂景收两点，返到屋企三点半，六点通告，五点半就要起身，平均得两个钟头瞓。”

林韦辰爆夺视帝内幕

林韦辰在90年代中期转投亚视，迎来事业高峰。当年获邀拍摄《再见艳阳天》，更凭该剧夺得视帝宝座，他谦虚表示：“大家俾面啫，完全唔关演技事，我同期有刘松仁、四哥谢贤一齐竞选，可能因为角色讨好，加上当年做网上评选，四哥同松哥啲fans未必识上网，我就赢咗呢半票，攞咗个视帝返嚟。真系唔系实力嘅表现，不过好感谢观众认同呢个角色。”

他形容那段时间是事业高峰：“𠮶两年系冇休息过一日，开始多人识，喺香港市场第一次尝到甜头。做戏做到有人叫得出你个名，呢样嘢真系好紧要。”除了拍剧，林韦辰亦主持《今日睇真D》，他坦言直播节目极具挑战：“试过唔够时间剪片，监制话你口才可以，就叫我现场VO，即系睇住片讲。第一唔可以NG，第二要啱啱好够时间，唔够就要自己加多两三个字，好刺激。”

谈到北上发展的契机，林韦辰坦言是被迫的选择：“亚视喺2013年开始有好大变动，监制想开戏要自己揾赞助，综艺又话你自己揾到赞助先开。我觉得呢个台有啲困难，就开始慢慢向北面放消息。”并于2018年投身内地发展。

早前林韦辰因椎间盘突出压到坐骨神经，一度行动不便。他坦言：“我未试过一次受伤咁犀利，有半年时间喺生活上系瘫痪咗。如果冇屋企人照顾，直头生活唔到。”他描述当时的痛苦：“企唔到、坐唔到，坐一阵就已经好痛，要即刻瞓低。每日要推住个旅行喼好似扶手咁行来行去，冇扶手就行唔到。”

他感激张耀扬的建议，最终选择透过复位治疗康复：“佢话唔好做手术，同我分享咗好多。我最终拣咗复位，后来揾到一个专门帮运动员做嘅，两三次就好番九成。但一定要做番好多强化运动，坐姿都要留意。”