ViuTV灵探节目《入住请敲门V》近日正在播映中，主持之一的林千渟昨晚（26日）出席《VOGUE Hong Kong》与《GQ Hong Kong》时尚派对，她透露每晚跟观众睇直播，稍后再有一集去另一个杀人凶案现场，想起都心寒，叫大家密切留意。讲到日前一集中，巫师发现原来有“5岁小朋友”灵体跟住林千渟，她忆述：“其实当下拍摄我就唔觉得有，但系寻日𠮶集出咗，我见到巫师嘅时候，巫师话原来我一直有个五岁小朋友跟住我，但我自己就觉得唔系对我好大影响，我唔想伤害佢，巫师话我哋用一个温柔嘅方法请走佢，巫师话入乡随俗，咁就尝试咗法事。”被问现时是否已冇灵体跟尾，她反转圈并问：“大家觉得呢？我背脊系咪几好呀？我自己系好精神。”

MCM疑遭附身眼神空洞变样　林千渟认同状态跟过往不同

近日有观众指节目另一主持莫竣名（MCM）眼神空洞、气场有问题、“成个样唔同咗”、“冇晒神采”等等，而其中一集探灵时他更突然失控疯狂自转、四处乱走，疑似遭灵体附身；由于情况极度危险，制作组被迫中断拍摄，并紧急请师傅进行驱鬼仪式。问林千渟可有觉得MCM不妥，她指二人相识多年，都觉得对方以前状态较阳光，现时则变得沉稳和冷静：“我唔知同拍摄有冇关系，定还是佢自己都经历咗好多嘢，我觉得呢几年大家都有好多唔同嘅成长，就算系我，我都会变得淡定咗，可能呢个就系另一个MCM成长嘅一面。”

直指被灵体附身一般不会自知　隔空向蔡俊彦示爱求合作

林千渟上周都有约MCM食饭，再讲起拍节目的事，亦有关心对方，鼓励对方有什么不开心都可以找她倾诉。至于MCM可觉得自己受灵体影响，林千渟直言：“其实我自己觉得当事人系唔会觉得系㗎，佢哋喺负能量个层面度罩住，成日都会好容易唔开心，但系觉唔觉得有实体嘢跟住，当事人其实系唔知，系我哋身边人察觉到佢有咩唔妥，就最好提醒吓佢。”她又表示今辑要自己一个人拍，很挂住以前一齐拍，甚至有卢瀚霆（Anson Lo）和邱士缙（Stanley）一同拍摄的日子，会比较好玩，讲到下辑想跟谁拍，她一时间想不到，刚好蔡俊彦（Ryan Choi）在附近做访问，她瞄了一眼，害羞笑说：“佢好怕羞呀啱啱，我最钟意怕羞嘅男仔。我真系钟意怕丑嘅男仔，我隔空同佢示爱先！”