陈展鹏否认“冇剧拍” 转战内地发展揾真银：市场大咗
撰文： 吴子生
出版：更新：
视帝陈展鹏以往几乎每年都会见到他的剧集作品，但近期有网民就留意到愈来愈少，TVB陆续开拍新剧、推出新班底之际，他却长期未见有新剧开工，“陈展鹏冇剧拍”因而成为网上讨论的热门话题。
视帝陈展鹏。（叶志明摄）
近年陈展鹏在内地市场的活动愈见频密。（叶志明摄）
内地举办粉丝见面会
与此同时，近年陈展鹏在内地市场的活动却愈见频密，他经常往返内地参与粉丝见面会、商演活动，更与旅行社合作推出“明星晚宴”，例如在东莞举办“复活节限定晚宴”，让粉丝付出一定费用，便可与他共晋晚餐、近距离互动及拍照留念，积极北上揾真银。
经常往返内地。（叶志明摄）
否认冇剧拍
陈展鹏今日（27/3）现身将军澳电视城，为无线节目《警声百二秒III》拍摄新一集内容，他接受《香港01》访问时否认冇剧拍：“其实制作愈来愈多，只系制作模式唔同咗，而家系多媒体，我好感恩好多人支持我拍剧，又或者做主持等唔同嘅工作。同埋今年有一套剧拍，同埋嚟紧都会有一套。其实对于我嚟讲都系好好，因为有时我成日都讲，之前有好多年公司畀好多机会，出街嘅时候可能有成三四套，其实我哋都好难演嘅，同埋观众睇到又会觉得厌，你点样可以留住观众喺电视机，又唔会睇到我闷呢。其实我哋都有一个难度，咁我哋而家最主要就系希望可以拍到有质素。”
陈展鹏今日为无线节目《警声百二秒III》拍摄新一集内容。（叶志明摄）
陈展鹏今日为无线节目《警声百二秒III》拍摄新一集内容。（叶志明摄）
陈展鹏否认冇剧拍。（叶志明摄）
内地场地租金便宜
对于被指转战内地发展掘金，陈展鹏表示：“都唔系，香港系我嘅屋企嚟，只不过我哋多栖类，咁我哋嘅市场亦都大咗，尤其是而家我觉得好开心就系我哋嘅广东话，系大家都好钟意，同埋开始研究我哋广东话嘅历史同文化。咁其实我哋广东话真系有好多好好刁钻同埋有好多好值得参考嘅情况。（多咗搞见面会？）其实系场地问题，大家都要计个成本，香港其实可以嘅，但系香港成本系贵，但系内地系多啲选择，同多啲好多配套。”
陈展鹏回应转战内地发展掘金。（叶志明摄）
陈展鹏赞内地场地租金便宜。（叶志明摄）