无线轻松动作喜剧《卧底娇娃》昨晚播出了大结局，结局一集内容紧张又感人，剧情讲述奕风（马贯东饰）几经辛苦，找到苏嘉盈（李海铜饰）死前留下的录音颈链，终得悉杀死嘉盈真凶是权世豪（杜燕歌饰）；由于嘉盈死得太惨太冤枉，奕风理智尽失，辞去警察职务之余，还出尽办法揪出权世豪进行私刑…幸好危急关头，奕风想起嫲嫲昔日教诲“你要做好事，唔好做坏事”，才未有杀死权世豪，权世豪最后亦得到应有制裁。

其实权世豪之所以对嘉盈对现杀机，除想逼出嘉盈讲出制毒幕后Big Boss、还因误会嘉盈是刘彪（关礼杰饰）派往阿风身边收风的卧底；在一轮打斗及追逐下，暴走的权世豪对嘉盈拳打脚踢后、将大量毒品灌入嘉盈口，最终嘉盈因overdose堕楼惨死！昨晚这一幕，饰演嘉盈的李海铜演技再获激赞，首先在被灌药一幕，李海铜放下“艺训班班花”身段，完美演绎出口吐白沫的overdose状态，为求真实任由口水丝挂在嘴边之余，又不断反眼代入状态，相当专业兼演绎自然。

谈到场口，李海铜接受官方专访时，坦认嘴边白沫并非道具，而是她自己的“真口水”：“剧组系用咗啲糖沟埋啲粉红色嘅盐去畀我服食，为求逼真，我同燕哥夹好咗要实做唔借位”、“到咗真系action𠮶吓，我真系浊亲，我畀啲盐浊咗上个鼻度，所以𠮶个流口水反应其实系真架，𠮶吓我真系好想呕同咳。我仲记得之后我呻鼻涕，真系呻番啲盐出嚟。”问到部分场口吊住口水拍摄会否担心影响靓样，李海铜专业谓：“外表其实系其次，最紧要观众感受到我角色𠮶吓嘅辛苦同痛，所以流口水都由得佢喇。但都希望大家唔好介意我咁核突，因为口水加咗盐之后会起泡，我只系想澄清番我唔系𦧲痰，现场有Cam Man笑我乱𦧲痰，我猛话真系唔系，好好笑。”

李海铜还感激杜燕歌在现场的百般照顾及体贴，并感恩剧中对手马贯东、陈滢及杜燕歌都很照顾自己：“因为权世豪个角色本身好多accessories，但因为燕哥知道呢场同我好多动作戏，所以佢一早就拆晒啲戒指、手链，仲剪晒指甲，惊整伤我”、“佢仲有教点样OD会像真啲，因为𠮶吓我唔可以清醒，但又唔可以太口齿不清，都有啲难度”、“喺呢度再次好多谢陈滢、马贯东同杜燕歌全部都好照顾我，呢套剧真系每个人都教识咗我好多嘢。”谈到有网民以“苏嘉盈”称呼李海铜，李海铜笑言很欢迎：“因为苏嘉盈已经等于李海铜，李海铜都等于苏嘉盈。我系用李海铜嘅视觉去理解苏嘉盈呢个人，所以其实苏嘉盈都系李海铜嘅世界观。”

而该幕的剧情亦相当震撼，即使自己死到临头，嘉盈依然掂记著阿风，除竭力留下“死亡线索”希望协助阿风破案，为免权世豪起疑心，嘉盈于临死前用尽最后的力气力证阿风对所有事不知情：“我老细叫我埋潘奕风身攞你料呀，但个傻仔咩都唔肯同我讲呀，我唔明点解佢要对你咁忠心呀，我蠢呀，我钟意咗佢呀…”对白再加上李海铜到位的演绎，场口煞是动容。

由于仍算是新人的李海铜在《卧底》中由头带到落尾、并因而人气急升，问监制方骏钊当初为何会睇中李海铜时，他笑言“完全凭感觉”：“最重要都系气质，我成日觉得气质同角色系匹配嘅话，就会事半功倍。”