戴祖仪在新剧《正义女神》中饰演律政司检控官，林雅晴一角。日前（29/3）她出席剧集宣传活动，接受《香港01》访问时表示角色相当多对白，曾经有一幕更要背足十几版纸。

再担任律师

戴祖仪：“好多对白，因为要喺庭上面讲返个剧情⋯⋯sorry，系案情，讲返几年几月几日发生咩事，做咗乜嘢用咗咩利器，做咗啲乜嘢，然后告佢乜嘢罪。最长试过，个剧本有十几版！（背晒？）因为做检控官系可以有猫纸，因为我哋庭上面有案情文件，但系我为求真实感觉，做到个感觉，多咗啲戏剧成份，所以我就真系背晒。当然中间我有睇，但系唔系睇对白，而系为咗做好呢个角色去睇吓啲证据。”

为什么会着短裙？她回答：“因为律师楼冇乜限制衣着，咁我细细个开始钟意着短裙，自己可以攞得出手嘅地方唔多。（对脚）都尚算见得人，咁就冇谓去掩饰自己优点。（冇人话？）冇㖞，因为不时client上嚟都火气重，可能有机会都令到佢哋心情冇咁差呢。”

法律系毕业曾于律师楼实习

说来有趣，其实戴祖仪未入行前，也是英国莱斯特大学法律系毕业，曾回港在律师楼实习。“我觉得，好有怀念嘅感觉，其实今日宣传着嘅呢套衫，就系当年律师楼实习时候返工嘅一套衫。你见到有啲起毛粒。今日可以用律师身份着返呢套衫，其实我系有少少感动同毛管戙。当初咁辛苦读咁咁多本书，今日作为演员终于都可以用得返。”

有没有后悔做艺人而非继续做律师？她回答：“冇后悔，因为我觉得呢条路好精彩，遇到嘅人同接触到嘅工作，都好好玩。人生嘅其中一个幸福就系寓工作于娱乐。”

被“佳导”一句话点醒

她又回忆道，曾经有一次因为通宵工作而感到疲累，说：“有一次连续chur咗好多日开工，有一日冇我，我就好开心，点知夜晚又有返我喺头场，就有少少晴天霹雳，就有少少唔开心同眼湿湿，谂住可以瞓耐啲。呢个时候，吴若希见到我眼湿湿就指住我嚟笑，佢第二朝开早喊呀，但系又要多谢佢，令到我哋嘅钟总监制行埋嚟。”

她续说：“跟住佳导好似开玩笑咁，讲咗句说话令我记到而家。佢话：‘你听日生日咩？（唔系呀）咁你钟唔钟意份工？你听日有得开工应该系开心㗎㖞。’我真系有种如梦初醒嘅感觉。因为呢份工作唔系普通文书，而系追求自己钟意嘅工作，点解我觉得听朝开早系需要眼湿湿嘅事？”