19岁的声梦歌手钟柔美（Yumi）在2025年圣诞期间，因误将一张与无线艺人刘展霆（Eden）亲吻脸颊的亲密合照上传至社交媒体，导致恋情曝光，并引发“A0”（从未拍拖）谎言争议。

形象崩塌

事后她承认“讲大话”，并解释是玩“真心话大冒险”输了受罚。事后有自称钟柔美的旧同学爆料指她拍过四次拖绝非“A0”，同时曝前度合照，事件一发不可收拾，钟柔美形象直插落谷底，星途危危乎。

Eden首度开腔

今晚（30/3）事件中男主角刘展霆现身无线剧集《正义女神》宣传活动，就事件接受《香港01》访问时，表现紧张口都震埋：“我从来都冇面对过传媒，我系好紧张。（钟柔美形象跌落谷底，你点睇？）我觉得我哋嘅行为要检点啲啰，当初可能玩大咗，造成咗呢件事。（有冇安慰佢？）我谂身边嘅朋友有难唔开心，关心朋友都好正常。（佢情绪如何？）知佢专心做嘢读书。（有否向你透露佢唔开心，全世界人好似唔接你佢？）咁佢又冇特别讲，正常如果见到啲报道佢唔开心，去安慰佢都正常。”

自责连累对方

被问到有否自责连累她？刘展霆表示：“都系我哋玩大咗，都会自责嘅。可能咁啱又同一日生日，咁啱又圣诞节，不过以后都要检点啲。（事件曝光后有否被公司照肺？）又唔算照肺嘅，提醒以后行为要检点啲啰。（有冇叫你哋唔好联络？）咁又冇嘅，冇理由唔俾同朋友联络，我而家同佢都仲有讲嘢。（钟柔美被爆好多情史你有咩感受？）咁冇嘅，每个人都有过去。（现时感情状况？）现时单身。（择偶条件细十年仍可以接受？）冇年龄限制，有时啲嘢挞着咗就挞着咗。”