张敬轩（30日）出席品牌活动，预告今年会出碟、开show，将重点放在音乐，其他事前先放一边。先讲出碟，他透露已经录制好新专辑，新歌很快推出，又表示：“呢张唱片我觉得系我过去呢十年，我自己最满意嘅唱片。无论喺状态、成个过程，都系好‘煎熬’嘅，因为我开始改唱法呀，所以我觉得今次张唱片有啲声系以前未试过嘅。”至于开骚，他已有两、三个Show正在计划当中，最睇重是跟香港中乐团的合作，目前仍就档期拉锯当中，场地方面，他指现时有很多新的表演场地，要视乎制作需要，因为中乐团有80多个乐手，“其实个台会好细啰，咁我哋就会想揾一个……系咪红馆呢？或者系其他地方呢？我哋都谂紧而家。（问：会唔会挑战启德？）做中乐团有啲难，我又唔想抌晒班乐手喺个台后面，跟住自己冲出嚟“T台”𠮶度玩，但系始终同中乐团合作，佢系一啲艺术性高啲嘅Show，所以佢未必好适合一啲‘Mass Market’（大众化市场）嘅做法。”

张敬轩韩国遇意外棚架倒塌压毁座驾　幸迟到保命：架车total loss

有望2027年再合体王菀之　回应英皇家族骚名单冇份

日前轩仔在王菀之的《王菀之演唱会 合体 澳门站》与对方合体，更突袭抱起对方，更取笑她：“你又重咗！”二人合唱《手望》让观众回忆不断，轩仔直言上次两人一齐开骚已是10年前的《The Magical Teeter Totter》演唱会，他觉得也是时候重聚：“如果2027年唔开的话，下个十年我都6张（60岁）喇！咁大家应该喺一啲……唔使点样郁嘅场景见到我哋，哈尔移动唔到，所以我谂成事机会都高。”至于英皇娱乐5月的“家族Show”《25+英皇群星演唱会》，被问筹备进度时，轩仔说知道同事已进入最后定案阶段，谈到有粉丝买5月4日的门票后，才发现演出名单没有他，因而感到失望，他安慰粉丝：“唉，大家稍安毋躁。”

英皇骚撞正海外巡演积极度期　吁买飞歌迷“On Hold”先观望

他坦承确实未必能够参与今次家族Show，目前正积极协调当中，解释：“因为我旧年1月开完澳门Show，其实我哋个‘Dahlia’系列系无行过香港站，后来主办好好，Release返个Right（版权）出嚟，我哋可以行Tour。所以其实我哋旧年已经Schedule晒今年会有少部分 Overseas嘅Private Show，亦都会有一啲公开卖票嘅Tour。但系呢，因为启德个场地好难攞期，大家都知，所以公司个25周年Show攞到期嘅时候，我已经Schedule好晒，因为都系黄金档期，‘五一黄金周’嘛，其实已经schedule好晒，所以而家我自己呢边，同𠮶边主办调动紧时间，但其实人哋都好阴功，因为对方都系要book场，而家一路争取紧。”他直言自己是公司一份子，所以无论开几多场，他都一定会支持，亦很想参与，故此仍持续争取中，但也借机向歌迷表示：“如果真系我啲Fans，或者好著重睇我而买票嘅朋友呢，可能大家on一on hold先，等我进一步通知。”他指因为原定演出档期横跨黄金周，故4号及尚未公布演出单位的3号一样撞期，“成个黄金周我原本都唔喺香港，而家调返啲期睇下得唔得，希望得啦。”

被指似插画海报上“罗宾”　爆笑回应：呢个唔系美少女战士咩？

由于今次英皇演唱会的海报并非大合照，而是找插画家画图，有粉丝就投诉找不到张敬轩，即使找到都并不是在“C位”，他笑言：“我都揾咗自己好耐。（问：你觉得个摆位有无问题？）摆位无问题呀，Do姐教落，我企喺边，边度咪系中间啰。我无刻意，但其实我而家都唔系好Sure边个系我，我无特登去问，我问过两个，我以为骑白马𠮶个系我，佢哋好似又话唔系，我要揾个画家问下。”有歌迷指插画上方中间坐在月亮上的便是张敬轩，因为酷似“罗宾”，他笑说：“罗宾？月亮上面个罗宾系乜嘢事呀？罗宾系红色、绿色、黑色㖞。”看完记者展示的照片后再笑谓：“呢个唔系《美少女战士》咩？Sailor Moon呀？唔系啩？我谂有啲误会，以为我系罗宾汉，罗宾汉同罗宾差百几二百年㖞，罗宾系蝙蝠侠𠮶个，罗宾汉就系打家劫舍、劫富济贫𠮶个，我未做到罗宾汉住，我做住‘罗宾’先啦。”他又疑惑这个“罗宾”造型可能是公司Marketing一部份，表示：“ 呢单嘢唔系我跟开，我畀公司演唱会部个电话你问啦，哈哈。”