女团VIVA成员李晞彤（Carina）近日盛传单飞，成为今年乐坛女新人，今日她（30日）在活动上亲自证实这个消息，指自己除了即将演出舞台剧外，亦将会出Solo歌：“系VIVA第一个出Solo嘅成员啦，然后我都好开心呢次公司畀呢个机会我嘅，同埋我都超级感恩我三个队友系全力支持我啦，喺呢段时间其实都有同佢哋一齐倾下，问下佢哋意见，觉得咦，我应该做一个咩风格嘅歌手好呢，as自己一个嘅单位，所以，好开心我三个队友都非常之支持我呢样嘢。”她指歌曲未录，故暂时未知是快歌或慢歌，但已拣好demo，待舞台剧完成后就会全力做歌，又预告自己不会忽略VIVA，一样会有几首团歌。讲到会否参与创作，Carina说：“有尝试创作嘅部分，但系咪第一首或者系咪真系会采用呢，就可能之后先至知道喇。”

谦称无仙气无惧新人大战　戥造星战友开心盼百花齐放

今年乐坛女新人竞争激烈，且几乎位位都是靓女，被外界誉为“仙界大战”，对于将要成为仙界其中一员，Carina谦称：“I'm not！我唔系好仙气呀，我觉得佢哋真系好靓呀因为。但系我觉得好开心嘅，成个乐坛百花齐放，然后都多咗好多女仔嘅声音，所以我觉得今年一定会好好玩，同埋我亦好期待大家去睇唔同嘅Artist去做佢哋自己个歌，因为其实由《造星IV》开始认识佢哋，好多都系，见到佢哋有咁大嘅进步，同埋都去尝试自己一个独当一面嘅时候，我都好为佢哋开心啰。”她并不怕有比较，因自己性格乐观，觉得做好自己就够，而且反而是期待会兴奋自己能做出什么作品。至于可有幻想过年尾自己一个踏上颁奖台是什么心情，Carina说：“呢样嘢唔敢谂住啦，但对于我嚟讲，其实VIVA对于我嚟讲都系非常之重要嘅。我都好希望个团可以令到更加多人认识，同埋希望我哋嘅作品都可以更加多人听，我谂呢个系我自己最大嘅心愿，而家暂时。”

膺队长成单飞契机　冀借个人发展带挈VIVA知名度

问到有否想过为何自己是首位出solo，会否与其队长身份有关，Carina表示：“我谂可能都有啲关系嘅，其实系喺上年年尾，团综之后就拣咗我做队长，我都好多谢网民嘅投票，好多谢公司同事嘅支持啦，亦都系好多谢我三个队友，因为对于我嚟讲，一路都好想做好个团，所以用另一个角度去谂，我觉得都好希望自己嘅Solo系可以令到个团多啲人认识嘅，呢样嘢都系我自己嘅目标，今次自己做先，但对于我嚟讲其实Solo都未必话净系得我一个做，只系可能个方式系佢哋变咗喺后面去support我，但系，我都好希望两样嘢可以同时兼顾，而做得好嘅。”她暂时未知道英皇的25周年演唱会上会否有机会唱新歌，要等公司指示，被问会否著自己代言的CK内衣登场，Carina笑问：“你好想睇㖞？我哋暂时未知道表演系啲咩呀，所以可能衬返个表演嘅衫啰。”

感激大家赞赏新歌MV　领军挑战Hyrox锻炼团队魂

VIVA刚推出新歌《Baby Savage》，网民大赞MV以为睇紧韩团，她也感激大家赞赏，指VIVA四位都很喜欢这首歌的曲、词、MV，各方面都令团队更有信心能把歌曲做好，亦希望大家从新歌更认识VIVA的其他面向。讲到张敬轩去韩国拍完MV后，得悉BLACKPINK等女团拍MV转一个景已经要用100万，Carina闻言也大惊：“吓？一百万！应该唔使嘅，绝对唔需要嘅。（问：你自己想呢？你自己个团唔需要？）唔系唔系，我想嘅，但我知道呢个MV就唔系啰。我哋会努力㗎，我哋希望……更加多工作，咁就可以有更加多嘅钱去做更加好睇嘅MV喇。”

此外，Carina带领VIVA报名参加了Hyrox，她说：“大镬喇呢单嘢！”自爆暂时只练习过一次，队友则练了三次，但她相信队友姜咏鑫（Ada）及张鈊贻（VALC）的体能，自己跟马思惠（Macy）则要再锻炼体能。问到为何要攞苦嚟辛，她解释是自己提出，因为VIVA成立两周年在即，今年未必有团综，所以想找另一些挑战：“我哋觉得一齐去挨一啲嘢呢，系会令到我哋个Bonding（羁绊）更加好嘅，我哋成日都咁谂。同埋我觉得我哋四个都系一啲好Tough同埋好钟意挑战自己嘅人，所以去做呢啲体能上面嘅挑战，都系对于我哋四个嘅Team Spirit系有更加好嘅帮助嘅。”