宣明会一直关注身处饥饿的儿童及群体，多年来与全球各地多个社区和伙伴合作，全力回应因气候变化、冲突及贫穷等因素引致的饥饿问题。除了推行各类紧急粮食援助工作，亦致力协助受影响的家庭改善粮食供应及营养情况，为饥饿孩子带来希望。今年3月至6月期间，宣明会“粮家村”故事系列更首度伙拍英国经典童书Mr. Men Little Miss及羚邦集团举行一连串筹款活动，以可爱、亲民的漫画分享更多饥饿及营养不良问题。

为让更多人听见世界饥饿的声音，宣明会将于4月25及26日假荷里活广场举行“我要世界走饥饿- Go & Seek！”活动，更邀得暖男爸爸黎诺懿及细心好妈李佳带同她的儿子亲身到场，分享他们对饥饿的亲身体验和看法，借此呼吁更多市民齐齐为踢走饥饿出力！

黎诺懿李佳联手宣明会抗饥饿

黎诺懿过往多次与宣明会合作，他大赞机构为很多贫瘠地区的人出力，亦希望将来有机会与仔仔一同与宣明会到不同地方探访，亲身了解世界饥饿问题。而首次与宣明会合作的李佳，机缘巧合下于去年与两位仔仔成为了亲子助养者。她去年在网上见到宣明会的助养计划，立刻打电话去，然后就成为了助养者：“我一直都有留意饥饿问题，因为细个𠮶阵，妈妈带我去云南一个比较贫瘠嘅地区参观，当时有好多小朋友伸只手出嚟跟住我哋架车跑，我就将自己手上𠮶包朱古力畀咗佢哋食，呢个画面好难忘。而家小朋友都好幸福，所以希望通过呢件事(成为助养者)畀佢哋知道，其实世界上仲有好多地方嘅小朋友系好艰难无地方住。而且我用仔仔名义去助养，过两年当佢哋自己可以对零用钱有自主权，到时佢哋就会知道，有责任要帮助小朋友。”

黎诺懿想儿子体验饥饿拒宠坏

对于食物，两位家长同样注重教育儿子们要好好珍惜，黎诺懿经常教导“小春鸡”黎峰睿及“小冬牛”黎奕辰不可以浪费食物：“去餐厅食嘢，一定要食得到先好嗌。的而且确，香港嘅小朋友系好幸福，无论系物资定食物都好富裕，差唔多佢哋想要嘅嘢都有，正正因为咁，我哋更加要教识佢哋，有好多小朋友都唔系咁，所以我会带佢哋睇多啲，希望教识佢哋知足。有机会，我都想畀佢哋感受饥饿，亦都想同佢哋去做探访。”

李佳指虽然未曾感受过饥饿，但记得疫情隔离期间，为儿子们准备两𩠌饭：“佢哋食一餐都可以，但系食几餐就好唔愿意，𠮶阵细仔唔肯食，情愿自己饿住都唔食，我就同佢讲好多小朋友冇嘢食，你几幸福，佢最后都食咗几啖，所以有机会嘅话，我都想带佢哋去外地探访，畀佢哋亲身感受吓。”

李佳霸气回绝细路嫌弃学校午饭

虽然两人都认为香港小朋友物质充裕，但要面对读书的压力。早前曾提出“读书冇用”的黎诺懿，希望能以活动教学的形式，让小朋友开心成长：“香港小朋友好多都(被)要求分数，又要去补习班、兴趣班，填到好满，我希望我嘅小朋友喺身心有个平衡。其实，关于‘读书冇用’呢件事系一个美丽嘅误会，我系话‘读死书系冇用’，而家AI嘅年代，对比起传统嘅学习，我哋需要去协调，我仲要澄清返唔系话乘数表冇用，我系话如果佢唔系做科学家，去背啲科学物理表，对小朋友冇咩用。最重要系跟住小朋友自己嘅才能发展，因为每个小朋友都唔一样，唔可以用同一种方法去教。”

李佳教育儿子们一向比较严谨：“我老公初初同我都有唔同意见，但系我两个仔都喺香港本地小学读书，中国教育同外地真系唔同，好似午饭咁，有好长嘅时间佢哋系唔食或者食得好少，佢哋成日问我可唔可以带饭，但系我会问‘点解人人都食，系你哋唔食得？’真系饿就会去试食少少㗎啦。”

至于马年的工作大计，黎诺懿将到马来西亚开工：“大部分时间暂时都喺马来西亚，希望香港都可以有多啲节目拍摄，可以同大家见面啦。”而李佳稍后亦会推出新歌，届时希望让大家看到不一样的佳佳。