滕丽名今日出席《爱·回家之开心速递》愚人节活动，与剧中一众演员一起玩游戏。问到滕丽名可曾在愚人节整蛊人或被整蛊？她说：“我试过收到个4月1日嘅通告，返到公司先知道系唔使开工，我𠮶时无意识到𠮶日系4月1日愚人节。（有无嬲？）无嘅，咁愚人节有个借口玩下。我自己就试过有次将同事拍古装剧𠮶对古装鞋掉咗去垃圾桶，到佢发现想揾返时，已经畀收垃圾嘅姐姐拎走咗。我细个啲嘅时候都好恶作剧，试过打𠮶啲173色情电话，打通咗之后递畀同事听。我通常系揾啲凶神恶杀，例如揾啲武术指导，都试过揾高层，但系无畀人闹。”

获提名金像奖视为成就解锁

另外，提到她凭电影《寻秦记》获提名今届金像奖最佳女配角，是她入行多年以来首个电影奖项提名，对此，滕丽名说：“当然系好惊喜，多谢古老板开拍呢套戏揾我去演返呢个角色，同埋都因为Tvb之前套剧累积咗嘅人气同口碑，系天时地利人和嘅配合。（有无信心获奖？）今次有提名已经系成就解锁咗，啲对手嘅实力都好强，我会喺欣赏其他对手嘅演出。（获提名老公有无同你庆祝？）老公有庆祝呀，佢去咗日本玩，留返我一个喺香港，佢已经庆祝紧。”