“大马歌后”龚柯允（Karen）曾参加《全民造星3》来港追梦，有“马拉Karen”之称。龚柯允日前上新城知讯台《树窿78号》接受访问，爆在人生高峰期有许多人在身边围绕，但竟曾经被一位同“非常大（名气）嘅artiste”当众无视，幸得一位“前辈嘅前辈”出手相救！

龚柯允爆曾被名气大女艺人当众无视

龚柯允在节见上揞名爆曾被一位名气超大艺人无视，她说：“我曾经见过一个非常大（名气）嘅Artiste啦，我唔开名喇，咁我一入去，咁我𠮶阵时只不过系一个𡃁妹，无人识我。佢即刻系打招呼跳过，但当然佢唔识我系边个啦，但佢系望都唔望我𠮶只啦！”

“前辈中嘅前辈”出手相救

主持问到龚柯允是否望不到她，龚柯允笑说：“有可能”。龚柯允续说：“坐低之后介绍，佢系不屑望我，即系‘哦，呢一个系Karen。’佢系不屑望我，跟住就静晒。点知有一个真系前辈之中嘅前辈，佢就话：‘呢个系我呢排好欣赏佢嘅女歌手嚟㗎，我会睇住佢啦！’哗，即刻𠮶晚打边炉系咁夹𩠌畀我呀！”

有人在访问片段下留言问：“唔知呢个大artiste仲活唔活跃喺呢个圈”，龚柯允则回应：“好八卦咯”。