高海宁与刘颖旋 (Tiffany) 今日齐齐出席TVB新节目《财富之道》发布会，原来高海宁喜欢买楼投资，还被主持指她是楼后，问到高海宁是否楼后，她说：“唔系，我系有买楼投资，都希望买楼自住，但系依家个大环境唔好，cash is king，所以我都系留多啲钱喺自己手，租屋住先。（目标买几多个物业？）无谂，睇我揾到几多。”谈到资产分配和投资方向，她说：“我嘅资产分配有定期，稳阵啲，有基金，拣咗中度风险，自己偏向长线投资，同埋唔会将啲钱放晒喺一个地方。”

刘颖旋创业推出自家品牌

刘颖旋最近开始创业，推出了自家品牌，现时已经有两款产品，都是卫衣。她说：“我个brand唔止系做服装，嚟紧仲会推出唔同嘅pr产品，依家努力学习紧，呢个亦系我个人投资理财嘅新领域。其实自己一直想踏入business嘅世界，谂咗好多年，觉得如果唔踏出第一步去做，就唔知几时先会做到。呢两款卫衣系我自己设计，我想做啲市面上揾唔到嘅嘢，着衫好代表到自己，我好想要好质料而又价钱公道，大家都affordable（负担到）嘅衫，着咗可以更自信嘅。（点解拣卫衣系第一个产品？）我本身高，都钟意卫衣，市面上买唔到啱心水嘅，我想要自己满意嘅卫衣，着出嚟好chill好舒服。”高海宁亦获刘颖旋送赠了一件卫衣，穿上后觉得很舒服即要再买一件。

高海宁多多钱也不愿割爱

高海宁大赞刘颖旋创业好叻，而她暂时就不会创业。高海宁说：“要有足够时间先得，力不到不为财。”提到高海宁画画的兴趣，她表示之前有gallery展出过她的画作，亦有客人问价想买，不过由于她自己好钟意那副画，不愿意卖便没有割爱。她说：“我啲朋友问我做咩唔卖，话卖咗先有价值，但系呢幅画喺我心目中系无价嘅，我一笔一笔画出嚟，睇住佢我觉得好开心好满足。我有好多画家朋友，自己都有学画画，嚟紧想投放多啲时间喺画画方面。（想开个人画展？）我对自己有要求，等我觉得可以拎出嚟见人先。”

刘颖旋被Rocky欣赏感开心

另外，提到港男郑健乐（Rocky）的IG近日Highlight（精选动态）中有一个名为“Tiffany”的合辑，自今年3月起收藏了刘颖旋5段IG影片，足见他对刘颖旋十分欣赏。对此刘颖旋表示：“我都系今日睇报道先知。（你识唔识Rocky？佢有无dm你？）我知佢系前辈，佢无联络过我。咁有同行欣赏都会开心嘅，我觉得系一个赞赏。”此时高海宁即指她是女生也喜欢刘颖旋，很多人都喜欢刘颖旋。谈到Rocky与刘颖旋同时选美出身，且成熟稳重，问到刘颖旋可会考虑一下？高海宁即代答说：“佢有咁多fans，如果个个都要考虑就好唔得闲，佢依家专注事业先啦。”