香港电台第二台即将推出多个新节目，昨日（1日）举行“四月迎新日”听众见面会，刘倩怡主理的全新宠物节目《有尾相伴》即将播出，为了隆重其事，她与老公郑子诚带同四只爱犬多多、小初、欢欢、心心出席活动，二人更在台上放闪，当主持小马问郑子诚家中是否养了“老虎”（暗指老虎乸），子诚立即冧爆老婆说：“边度！老虎狮子我都冇养，但系温驯、善良、善解人意、好似羊一样咁温驯嘅，我就养咗个。”令倩怡非常害羞，之后子诚更扮狗狗氹老婆，难怪二人结婚多年仍感情要好。

带四只爱犬撑老婆新节目　台上狂放闪赞刘倩怡是“温驯嘅羊”

刘倩怡说新节目会请宠主分享日常照顾宠物、刻骨铭心的故事，又会访问兽医提供治疗资讯。讲到首次带四只狗狗出活动，子诚说：“我纯粹撑佢，我哋养咗四只狗，三只老狗、一只后生狗，有节目关于宠物，冇理由唔带自己啲宠物出嚟亮相！今日佢哋破天荒出现喺咁多人嘅场合，佢哋喺屋企‘也文也武’，出到嚟点解咁乖嘅？见到大场面未适应到。”结果四只狗狗在台上都十分听话，未有吓到失控。

拒永世做奸人转攻IG拍片　揾后生仔度桥拉近世代距离

子诚近月在IG频频作出新尝试，拍Reels挑战年青人Challenge，例如读潮文、卡通片配音、小剧场、八拍挑战游戏等等，反应和流量都极好，子诚说：“如果要继续喺呢个圈子里面，唔好话生存，想同啲听众有更紧密嘅联系的话，旧嘅一代，我哋呢一代人，你听我节目，已经知我系咩人，但究竟年青人觉得郑子诚究竟系咩人呢？系咪永世都系𠮶个奸人呢？”为了与年轻人拉近距离，他找了三位年轻人帮手打理社交平台，由他们提供创作意念，再由子诚演绎，反应出乎意料地好。

放手交托年轻团队曾Ban桥　靓声演绎城大潮文狂吸4万Like

子诚直言，最初自己常常Ban桥：“我初头同佢哋拍嘅时候，佢哋畀我睇要拍啲咩，我全部都ban晒，我觉得唔系啩？好似好白痴㖞成件事！或者我逻辑思维过唔到我自己𠮶关，觉得咁无聊嘅嘢，使唔使讲？但系我坐低反省一下，你揾得佢哋做，佢哋有佢哋嘅idea，你唔好用你哋嘅思想去猜度呢件事，结果做出嚟之后好好反应。”子诚早前以他的专业VO声读出网上十分经典的“城市大学”潮文，结果IG获得近4万Likes。网民留言：“有子诚哥做VO 嘅片都属于Hermes级嘅片”、“郑子城市大学”足球员颜卓彬更表示会用这段潮文做闹钟，对于短片受欢迎，子诚表示：“我开头仲唔知，点解我要同城大卖广告？佢话你读啦！我已经冇再问因由，结果出到嚟系几有趣嘅反应。”

老婆赞“阴谋样”讲关爱对白好搞笑　获年轻服装品牌招手

问到让新一代发掘出搞笑一面后，有否吸引多了其他工作机会，他透露查询确实多了，但暂未成事，不过都有年轻服装品牌找自己合作：“有时会见到我，‘咦，做乜着咗我嘅品牌嘅？’我冇为意，周围买，觉得靓，佢哋就会approach我同我倾。”太太刘倩怡对子诚的新尝试都非常支持，“我见到有啲好好笑，佢系用返好阴谋嘅样，然之后问候老人家‘你好吗？’拜年嘅时候，‘生咗仔未啊？结咗婚未啊？’但系佢全部个样都好有阴谋，我觉得好有趣，我觉得做呢行都系大胆尝试。”

靓声遭复制叹扼杀配音员生计　盼AI热潮物极必反

近年AI盛行，子诚曾透露自己的靓声被复制及配上广告片、时事评论、股票分析片，问到是否因而决定要多点出样和出声，让公众记得自己，他指没这样想，但作为已届退休年龄的长辈，他会替新一代感到辛苦：“好难防止事情发生，但系对于新入行嘅一班DJ又好，或者用声做嘢嘅配音艺员又好，佢哋出路喺边度呢？如果你样样用AI做晒，呢个世界上就系冇咗呢个生存空间，但系我仍然觉得用人去讲出嚟嘅东西，同AI系唔同，温度感高啲。所以希望可以发声，我唔敢话帮助，但系希望提醒到成个行业，大家做嘅时候，其实AI只不过系协助，唔好全部都咁样抌晒落去。”讲到有些大品牌都已改用全AI制作广告片，不找模特儿，问子诚觉得长此下去前景是否十分悲观，他表示：“绝对系，我觉得有一轮时间会系咁，而家大家都好有呢个热潮，好追捧呢样嘢，但系当你以后条条片都系AI嘅人、AI嘅声嘅时候，我觉得会有一种物极必反，我希望有一种咁嘅情况出现，希望睇返啲真人。”