阮政峰昨日（1日）现身香港电台第二台的节目发布活动，预告将主持新节目《Gen Z去跟峰》，主力探讨Gen Z文化，希望让90后与Gen Z互相交流，再一齐认识Gen Alpha，希望能擦出火花，更谓：“一定有Generation Gap啦，冇嘅话做呢个节目出嚟做咩？”他接受《01娱乐》访问时自认是“老人家”，想问问Gen Z对叔叔的定义，问到曾否曾被叫叔叔，他说：“梗系有！四五年前就有。（问：有冇受伤？）冇，我自己十零岁嘅时候都系乱叫人叔叔。”

做婚宴司仪大开眼界　赞Gen Z勇于表现自我

他分享早前做婚礼MC的见闻，指当时的婚礼摄影师是Gen Z，在晚宴的“早拍晚播”片环节前，突然加插了一部份是早上拍的照片：“摆靓晒、执好晒，有埋日期、地点、边个影、摄影师系边个，我会发现原来Gen Z而家比我哋以前更加愿意表现自己畀人哋睇‘呢啲就系我嘅作品！系咪好靓呢？你哋可以留意我！’佢哋会愿意多咗，我哋以前唔会，喺我哋𠮶个年代会觉得咁样企出嚟做咩啫，喺度认叻，但系我觉得唔系啰，佢哋系佢自己争取，所以我觉得系好。”

离巢跳出舒适圈密密接Job：大家都好锡我

阮政峰去年离开TVB，近日以独立艺人身份接电台主持、HOY TV主持、司仪、配音等工作，问到发展是否比预期中好，他笑问：“哗，咁阴湿嘅你依题！”他坦言一开始踏出舒适圈一定会担心，怕没有人找自己工作，但都有不少客户知道他离巢便直接联络他，过程中又认识到其他合作对象：“发现大家都好锡我，好开心，接触唔同嘅机会，固然啦，因为我系一个真系好钟意做唔同嘢嘅人。”

事前不知张明伟求婚成功　爆李丽珍泄密局住公开：打破如意算盘

阮政峰与好友张明伟积极经营配音频道“只DUB”，近日张明伟求婚向李丽珍女儿许倚榕求婚成功，但阮政峰事前毫不知情，之后他拍了一条“爱的迫供”片向好友迫供，相当搞笑。访问中提及此事，阮政峰笑说：“系呀！系呀！系咪抵嬲先？系咪抵唔俾人情先？”他之后帮好兄弟说话，指其实公开求婚是意外，原本张明伟跟许倚榕想低调，但因为传媒向李丽珍（珍妹）查询，珍妹未有隐瞒，结果打破了张明伟的如意算盘：“阿伟同埋Annise，唔好睇佢哋好靓，佢哋好低调，呢个私人空间、呢个moment佢哋想自己相处，所以就安排咗阿伟搞掂晒啲嘢，得佢屋企人知嘅啫，然之后佢会谂住拍片同佢最亲嘅朋友讲，which is，佢话系我啦，就睇我哋嘅反应，唔使睇啦而家！大家都知道晒啦！打破咗佢如意算盘！”

笑称日后有猛料要靠珍妹代为发布：佢都唔系第一次

在正式公布求婚前，张明伟与Annise拍了一条似真又似假的JOJO式求婚片，因而引起传媒注意，阮政峰说：“我都有帮你哋问过佢个时间线系点㗎！佢话𠮶时系未求婚，佢哋都系研究紧个pose点玩，咁我估，佢潜意识今个trip都安排咗会去求婚嘅，佢觉得呢个moment有少少搞笑，喺未正式求婚嘅时候，对方好似误会咗系求婚咁样，咁就自己玩自己！”他指自己冇嬲对方，觉得朋友想何时公布就何时公布，亦不会要求对方补数，但不讳言：“我觉得好搞笑，好似珍妹都唔系第一次，睇嚟迟啲有咩发布都系要珍妹帮手发布，好似有啲谂法，只DUB有咩片就叫佢帮手发布下。”

迫供好友是否奉子成婚惹怒对方　力证张明伟外表前卫实质保守

阮政峰指可以跟张明伟一齐计划婚宴流程，至于会否做司仪，他回答：“睇吓佢要唔邀请啦！”指不会向他施压。他在“只DUB”配音片中，都有追问对方是否奉子成婚，当时张明伟说：“Wow！你咁谂我嘅！呢啲唔系逼供问题㖞，系砌我生猪肉㖞！”问阮政峰是否肯定对方并非奉子成婚，他表示：“佢话咗唔系，佢本身系……你唔好睇佢又Band仔，又好似好开放，佢喺呢方面好坚守，佢好坚持嘅呢一度。我𠮶时直接问佢，佢真系嬲，‘点解你会咁谂我㗎？’佢系呢啲样咁，我就话‘问吓啫问吓啫。’”