“寰亚𡥧女”黄淑蔓（Feanna）爱惜小动物，关心流浪毛孩，得知“大树下善待动物庇护站”面临资金告急，需要大众捐款维持日常营运与紧急救援，她与Fans带著猫狗粮食，以及公司同事集资的利是钱，到“大树下”做义工。呼吁领养代替购买、一次过捐款、每月捐款或助养计划等，集腋成裘，帮助“大树下”营运，改善毛孩生活。

黄淑蔓萤幕初吻畀咗狗

Feanna说：“今日好有意义，我同Fans一齐到‘大树下’做动物义工，呢度照顾超过一百只猫狗，每日嘅食物和医疗开支都好大。透过义工Joey，我哋了解每只狗狗嘅故事。”Feanna与Fans替狗狗梳毛和喂食，期间被热情的狗狗“抱抱”索吻，笑言：“无谂过我嘅萤幕初吻系畀咗狗仔，佢嘅热情同埋冲击，杀我一个措手不及，佢真系好可爱。”

黄淑蔓似出轨怕屋企猫主子嬲

之后Feanna与Fans带著零食去“猫舍”，当她坐在梳化上，猫猫立即涌上前讨抱，其中一只成功伏在她大腿上的猫咪，更出手打其他猫要独霸Feanna，Feanna立即控制场面，左拥右抱。她笑言有少少“出轨”的感觉，说：“唔知返到屋企两只猫闻到我身上有其他猫狗味道，会唔会好嬲？刚才入到猫舍，感觉𠮶度就系属于我嘅地方，一入去坐低，啲猫猫就冲晒埋嚟，要我哋摸摸同埋拍Pat Pat，其实猫狗都好需要人陪伴。”之后她在衣服上发现一条猫须，说：“听讲对住执到嘅猫须许愿好灵验，我希望所有猫狗都可以幸福健康！”

Feanna早前因为向往猫咪无拘无束的性格，而创作新歌《喵！》，问她会为狗狗写歌吗？她说：“如果我要写一首关于狗狗嘅歌，可能要等我真系养咗狗先。其实我由细到大都好想养狗，但要做个有责任嘅主人，每日带佢落街散步、居住嘅地方，同埋经济状况稳定，我先至可以再养多一只新嘅动物，领养前三思，系一生一世嘅责任，谂清楚先至带佢哋返屋企。”

虽然未必每个人都可以在家里养猫狗，Feanna建议可参加“助养计划”，她说：“每一只狗仔都有佢嘅身世故事、身体状况，‘大树下’好需要大家支持和捐款，至可以继续营运落去。有养宠物都知道医疗费用真系好庞大，希望大家有钱出钱，有力出力。”