现年26岁的邱晴曾于2017年参选港姐，获封“嫩版李珊珊”，落选后签约TVB，曾参演不少剧集，又曾做过《美女厨房3》美女学徒及儿童节目《Think Big天地》主持，直至2021年离巢后尝试多方面发展，近期因在HOY TV 旅游节目《女行团》中大骚傲人身材而掀起热话，当中着比坚尼浸泥浆浴的一幕更引起极大回响！不过日前邱晴就激罕发火，投诉宠物店令爱猫受伤！

邱晴嬲爆公审宠物店

邱晴在IG公审宠物店，她写道：“我想讲呢间舖头真系超级无敌过分，我依家非常之生气，话说我今日屋企人带只猫嚟呢一间嘢冲凉，𠮶阵时佢冇check到，返到屋企我check只猫嘅时候发现佢完全唔肯俾我抱，不停挣扎，我发现佢啲手脚毛冇清理干净，然后有两只指甲剪到爆晒血。头先好生气打电话俾佢哋讲，然后佢哋唔认数。”

邱晴投诉宠物店剪爆爱猫指甲致出血

邱晴又晒出猫猫的手脚，可见明显有损伤兼出血，她写道：“两只夹都比佢哋剪到爆开晒又有血迹，仲系干咗一段时间嘅，点解啲指甲会变成咁样，可以话唔关你哋事？”她更晒出与宠物店店员的对话截图，对方表示已将汇报公司，并解释：“啱啱睇晒猫猫冲凉吹毛过程至到先生接走的CCTV全段录影，均没有发现猫有出血的状况，亦没发现美容师有做任何止血的动作。”最后邱晴晒出猫猫的照片，写道：“惨猪。”