正义女神｜马贯东在学时系样衰肥仔 被同学欺凌：掉垃圾落书包度
撰文： 林迅景
出版：更新：
早前马贯东在网上掀起热议，惹来负评，有网民直言，觉得他“冇男一相”，指他样貌不够出众。昨日（04/4）马贯东出席活动接受《香港01》访问时，提及有关网民的言论却一笑置之，处之泰然，他更自爆过往曾听过更难听的说话。
马贯东回应被网民指“冇男一相”。（叶志明 摄）
马贯东回应被网民指“冇男一相”。（叶志明 摄）
冇男一相？“我都觉得自己争咗少少”
马贯东表示：“我企返喺佢个角度，我都觉得自己争咗少少，都系要有𠮶个经历令自己有个气场出现，咁而家就训练紧自己。”他也表示，回想起上一套播出，拍摄已久的《卧底娇娃》时，也发现自己将角色“褪后”，而不是一个男主角定位。
马贯东回应被网民指“冇男一相”：“我都觉得自己争咗少少。”（叶志明 摄）
肥仔被同学欺凌：掉垃圾落书包度
对于网民“冇男一相”的评语，被问及有没有遇过其他难听的说话时，马贯东就表示：“我谂最难听都系话我样衰，冇乜特别。我细细个俾人话惯，仲要系肥仔，好样衰嘅肥仔，哈哈，仲要单眼皮。（咪会成日俾人bully？）系呀，俾人虾呀。我谂我哋俾人玩有一个正选，我就系后备，哈哈。但系佢哋玩我又唔会太过分，可能系言语上，又唔会郁手郁脚。‘话你呀！死肥仔！’总之咩都关你事。通常系言论上攻击，就冇物理上。垃圾都系，掉落去我个书包度，有嘅，偷笔啰，呢啲读书阶段都几常发生，而家谂起都好笑。”他表示，后来长高后就渐渐回到正常体重。正义女神｜佘诗曼无私教刘倬昕演技：紧张佢嘅演出多过自己
马贯东爆自己在学时是肥仔一名。（叶志明 摄）
马贯东爆自己在学时是肥仔一名。（叶志明 摄）
马贯东、佘诗曼。（叶志明 摄）
《正义女神》台前幕后。（叶志明 摄）
马贯东、佘诗曼等人。（叶志明 摄）
马贯东、佘诗曼等人。（叶志明 摄）
《正义女神》演员，佘诗曼、陈炜、马贯东、蒋祖曼、刘倬昕、吴文懿、罗皓谊、张天妮、胡敏芝、刘展霆、潘静文、陈若思、黄浩霆。（叶志明 摄）