郭晋安今日（05/4）为港台节目《有尾相伴》录音，同场还有主持刘倩怡和黄智贤，值得一提的是，郭晋安和黄智贤两位嘉宾亦带同爱犬出席。郭晋安接受《香港01》访问时，大谈与爱犬相伴的趣事。

为女儿养狗狗

访问中，他透露，爱犬Hunter原本是为了女儿而养。“买畀佢嘅时候，我都同佢讲话要照顾佢一世，唔可以当佢玩具咁玩就算。开头都有教佢点样执屎执尿，换尿兜。（照顾得如何？）佢识晒，识晒点样照顾，但系都慢慢转移咗畀我。我其实买嘅时候都知道，我嘅命运系咁㗎啦。”

专心打理生意、网球队

早前郭晋安离巢，近期少有作品推出。他坦言因为打理生意，所以生活还是相当忙碌。“本身有档生意都要定期开会，另外有一队艺人成立嘅网球队，要带领呢队网球返中国做友谊赛，最主要做一啲慈善活动。”问到幕前的工作近况，他就表示希望休息一段时间：“幕前......我唔知道算唔算转型去球类运动，都喺幕前做紧。至于拍剧就停一停先啰，因为自己都想抖吓。（休息几耐？）未知，等到有剧本出现嘅时候先再倾。”

问感情着落：呢个讲缘份啦

有记者问到郭晋安何时会有感情着落，他转移视线望去爱犬问：“有冇呀？（新嘅关系就系佢？）系，哈哈，大家⋯⋯呢个讲缘份啦，唔去谂住。”