李蔓莹（Renee）早前宣布出版首本个人写真《慢下来的理由》，内里有她与爱猫Nigo的互动，以文字及照片同步呈现。日前她现身SpotiTalk节目，接受主持人浑水访问，期间透露自己早在十多年前已被所属模特儿公司建议出写真，但她多次拒绝：“自己又未去到𠮶啲……哗，好正呀！哗，好索呀！好sex appael𠮶啲我又好怕丑。”Renee续说：“我turn down咗model agency两三次，佢哋都有讲‘一定好爆，可能好多job做！’咁我𠮶时就话‘唔紧要㗎，我密密做、密密接都得㗎，唔使话爆红𠮶啲，我唔需要。’佢哋都吹我唔胀。”

拒拍三点式大尺度相博Noise　与爱猫写真主打温柔居家风

她曾被《Esquire》、《Menclub》等杂志影过较为性感的照片，直言拍摄时已十分尴尬，如果要影一整本书都是性感相，她未必接受到，也觉得没意思。由于今次写真是跟爱猫出镜，她才接受邀约，又表示：“呢本书有啲性感相，但系未去到话‘哗，尺度好大！’系咪全内衣？系咪三点式？唔系呢啲嚟嘅，𠮶时我有谂过使唔使要呢啲相，出书㖞，多noise㖞想，但系呢本书系偏温柔嘅一本书嚟，讲我同猫猫一啲温柔或者cute cute嘅嘢，你话去到咁大尺度嘅相我觉得好唔夹，好唔啱feel，倒不如比较日常少少，唔系去到文青，但系舒服啲、屋企啲、lifestyle啲嘅相会夹啲，加埋啲文字。”

否认扮声装可爱　欣然接受健康性感标签

Renee出道早期至今形象属可爱中带少许性感，被问会否感到厌倦，觉得内心想呈现的一面未被留意到，她坦言已被标签得太耐，自己见到都觉得冇所谓，又直指随住年纪增长，其实可爱、妹妹这些标签已离她而去，唯独是声线方面，她曾压低自己的声音。Renee说：“我有时睇返以前嘅节目，系会觉得使唔使咁兴奋、咁高音呀？”她强调自己从未刻意扮声或扮可爱，纯粹是天生见到小动物或可爱的东西就会“变声”，结果被误解为“扮晒嘢”，不讳言自己睇节目都觉得自己烦，续说：“我唔想令到人哋有呢个感觉嘅时候，我会自己去tune down少少。”至于健康性感的标签，她欣然接受，亦毫不抗拒：“我系觉得系OK，唔系话我净系卖波，我已经觉得好多谢大家㗎喇！大家睇我IG都会见到啲健康性感嘅相，我系OK嘅，其实基本上我自己觉得状态OK嘅时候，我系唔介意，但你话会唔会无啦啦喺张床度有啲好似咁嘅相，我又觉得唔系好好啰，可能游水，做gym，著比较贴身少少嘅衫，我觉得OK嘅，健康性感系OK嘅。”

常误开粉丝阅后即焚下体照　叹收“J图”多年已感麻木

Renee出道早期曾自爆被网民传下体照性骚扰，主持问到现时会否觉得这阶段已成过去，抗拒再于访问提起，Renee觉得没所谓，她指不止自己，很多女性、靓女都会收到这些“J图”，“去到而家都咁多年，都仍然有人会send呢啲J图畀我，但系都会觉得，咪又系咁。”她又说：“我觉得佢哋send得出嚟𠮶一刻，个脑mind fxxked咗㗎喇已经，其实好难想像一个人喺做呢啲动作嘅时候，拍片，再send畀人，可能……send畀100个人，我系其中一个。”有部份fans会传一次性照片分享自己的猫猫、书本、日常，她难以区分哪些是乖fans、哪些是性骚扰，又谓：“基本上你send呢啲嚟，view photo，我系会开嘅，所以佢哋send啲dick pic，我系会开嘅。但系你话video梗系唔会睇晒啦，见到就飞走佢啦。（浑水：算唔算做女神嘅诅咒？几难堪、几尴尬？）一开头有啲嬲，但系而家都咁多年，我就觉得‘唉，again！’已经冇乜感觉喇。”