现年30岁的TVB艺人刘颂鹏曾出演TVB剧集《爱回家之开心速递》、《巨塔之后》、《新闻女王2》，他曾透露为维持生计，会在启德方舱医院做搬运工人赚取外快。早前他拍片透露入行十年了，浮浮沉沉，但仍会向“飞跃进步男艺员”的奖项进发。虽然刘颂鹏不时分享为坚持前梦想而清贫地生活，但影片却曝光他不单止揸名车，更住在复式大宅内，不禁令人猜想他是真的要挨穷，为生活努力打工，抑或只是人设。

为家住复式大宅解画

刘颂鹏日前出席活动时被问到挨穷却住复式大宅一事，他说：“其实穷同有钱系见仁见智，有啲人住半山都觉得自己穷，好睇个心态。不过如果话我有钱系天大嘅误会，𠮶间系复式嘅郊区村屋。咁我嘅经济状况又未去到水深火热嘅地步，都有储钱，除咗做艺人，我都有做理财策划同保险。但系我嚟紧可能要取舍，如果我忙住发展演艺事业，照顾唔到啲客户，对啲客都唔公平，我想做全职艺人，呢个亦系我嘅梦想。”

曾是大花筒一出粮便花光

刘颂鹏坦言之前确有挨过穷：“前段时间系低潮期，依家收入稳定啲。最穷嘅时候户口得千零蚊，仲要负债6位数，一日只系食一餐又或者一日食两个包加一餐就算。𠮶时因为同前公司解约，花咗两年时间做外卖员先还清二十万再重新开始。以前细个无储钱嘅概念，好大原因系好细个做part-time有收入就会用晒啲钱，系大花筒，依家学识咗储蓄嘅重要。”他又透露将会听从公司安排北上发展一段时间：“完成埋手头上嘅工作就会返大陆一排，边度有机会就去边度。”