方力申今日（4月8日）在炮台山进行busking，这是他人生首次的busking，依次序献唱三首经典金曲包括《好心好报》、《大方》、《好好恋爱》，吸引了数十名粉丝去捧场，他的好友刘浩龙兴邓建明亦有特地到场支持他。方力申说：“系我入行25年以嚟第一次，几兴奋，我有叫啲fans嚟支持吓，惊无人嚟睇。我又叫咗杜德智嚟，佢帮我拍我首新歌《万刀甲》嘅MV，佢住隔离街，会拎埋个鼓嚟。（你会唔会封封利市畀佢？）佢畀利市我呀，佢表演欲好强。今日仲两位乐手，系嚟自晚安莉莉嘅。我拣咗3首歌，如果唔识就唔会识我嘅歌。（用咗几多钱请啲粉丝嚟？）无畀钱㖞，我签个名畀佢哋就得，我个签名值$5，上旺角睇过。”

方力申预告个唱会骚肌

谈到今日身穿粉红色恤衫的造型，方力申说：“呢件衫系之前喺名牌网大减价时买嘅，买咗唔啱着，畀咗太太，已经去咗佢衣柜入面。但系我最近瘦咗几斤，可以着得落呢件衫，结果都系我着先。（做咩着件白衫打底？）潮流嘅嘢你识咩，我觉几好睇，又话转凉吖嘛。（依家瘦咗几多？）瘦咗12、3磅，要再轻多10磅8磅，我仲未去到地狱式。自己最瘦轻𠮶时比依家轻20磅，身边人以为我有病，减得太干，无晒油水，今次系健康减，希望红馆骚可以露吓身手，露几多就要睇状态，呢啲要买飞入场睇live嘅。到时睇下露胸肌定腹肌，两样都有就剪个洞俾啲粉丝扯。”

加场要跑数揾老友买飞

方力申又表示加场当然开心，但也要跑数，已叫朋友买飞支持，大家都很支持他。方力申透露现时忙于专注锻练，要想想讲些甚么：“我啲粉丝叫我唔好讲咁多嘢，讲得几十个字，要精准啲。”

提到日前有报道指他在内地登台与“翻版邓丽欣”合唱《好心好报》一事，方力申说：“多谢大家咁锡我，有咁多我嘅新闻出现。我𠮶日嘅演出系由live house安排，我同𠮶位歌手系上台先至夹，但事前知道要唱呢首歌。（惊唔惊有粉丝唔钟意？）我净系可以照顾钟意我嘅人。”