VIVA队长Carina（李晞彤）日前顺利完成经典K歌独唱戏《Nancy恋噏Show》首两场演出，今次这个音乐舞台剧对Carina来说绝是一次大考验，这不仅是她首次挑战音乐舞台剧，更是她人生第一次演戏，之前完全没有拍摄演出电影、电视剧的经验。

于《Nancy恋噏Show》音乐剧，Carina联同Hedy（海儿）、戴祖仪，以及Lolly Talk成员阿妹，分别轮流饰演主角Nancy。当中Carina更需要一个人唱接近二十首广东流行歌，及熟读超过三十页台词，对首次接触这类型表演的她来说绝对Hard core。

首两场终于顺利完成，Carina完show后即在后台蹲下来爆喊，除了喊到收唔到声，更边喊边说：“我都系钟意同VIVA一齐做嘢！我唔想solo喇！”压力大得可想而知。虽然压力爆煲，但fans的爱锡令Carina相当温暖，约五、六十位fans一直喺剧场外守候，他们不单止影相留念，更不断为偶像打气，以行动证明对Carina的爱及鼓励，令她十分感动。

事后Carina坦言：“好难，真系好大压力，演完第一场感受到舞台系个试炼场，拍嘢有NG有后制有同伴，但今次唔系女团，系独脚戏，我只有我自己，行上台之前就要清楚，无论我有冇甩台词，换唔换得切衫，把声顶唔顶到，任何担忧都冇用，因为the show must go on，但亦都因为今次唔系女团，我唔需要尝试做一个完美嘅女仔，所有嘢都系执生，所以不如好好享受所有未知性带嚟独一无二嘅每一场，头场真系好紧张，去到最后系好难过，因为觉得尾段嘅Energy唔啱，唔应该系咁！所以就踎咗喺度爆喊，好似将所有嘢release晒出嚟。之后出去见到fans喺度等我𠮶刻、影相、支持我，我好感动，都忍唔住眼湿湿。”她续说：“虽然今次压力好大，但我都会继续挑战唔同类型嘅演出，试多啲唔同嘅嘢，好好完成今次舞台剧之后，就要迎接自己今年第二个大挑战，准备出自己Solo单曲。”