陈家乐今日（10/4）现身又一城出席手表品牌活动，提及即将举行的《第44届香港电影金像奖》首度入围最佳男主角，作为影坛新晋准影帝的他在接受《香港01》访问时心情兴奋：“其实都有朋友叫我写定感言，咁样会比较稳阵啲，而我又真系未有落手写，但个脑越嚟越多一啲我想多谢嘅人，变咗而家我一路都喺度回忆紧，有啲咩人我要特别要多谢佢哋。我好期待同享受𠮶一日可以见到大家，过往都有出席颁奖，但就未试过入围，而今次系我第一次，咁所以系好想去好好咁享受。”

分享入围喜讯　嫲嫲反应淡定

陈家乐一向与嫲嫲感情深厚，被问到有没有将入围影帝的好消息告知长辈时，家乐笑言已经第一时间向嫲嫲报喜：“嫲嫲佢系好似代表啲咩，而我有同佢讲今次我入咗围，亦系对我嚟讲系一个好重要嘅提名嚟，而佢只系话咁好啦好啦，都恭喜你啦。嫲嫲佢喺我好细个嘅时候都好支持我，记得𠮶阵时啱啱入行要去培训，又要钱，佢都有帮我交咗好多学费，我真系好感谢佢。”