中年好声音4｜谷娅溦退出传与海儿不和 当事人力撑：真系好神奇
撰文： 林迅景
出版：更新：
TVB选秀节目《中年好声音4》进入白热化阶段，余下24强争夺“王者宝座”。此时却传出评审之一的谷娅溦退出评审团。外界更有不少猜测和声音，邓兆尊早前于个人YouTube频道《娱乐好好玩》疑似爆料：“资本方出钱话事㗎嘛，有啲可能资本方觉得，呢个女仔比较有啲问题出现咗，可唔可以揾个人顶一顶佢，呢个情形发生系有可能嘅。”
周国丰、海儿接受《香港01》访问。（陈顺祯 摄）
谷娅溦退出评审团。（TVB图片）
传与谷娅溦不和 海儿回应：真系好神奇
今日（12/4）两位评审周国丰、海儿，及24多参赛者出席《中年好声音》商场见面会。周国丰、海儿接受《香港01》访问时，回应谷娅溦退出评审团一事。周国丰笑言：“谷娅溦要主攻问佢（海儿），话佢（哋）不和吖嘛，哈哈哈。”海儿：“我系当事人，讲咩都冇乜公信力，但系真系好神奇，每次录影我哋一系倾化妆，一系倾做啲乜嘢，一系倾唱歌，所以我头先都话，不如问返监制或者周Sir。”
肥妈系靓女嚟，周国丰又冇讲错㖞。（陈顺祯 摄）
周国丰：新闻话有个靓女，我谂唔通系肥妈？
周国丰：“我谂，对溦溦或者海儿都有啲唔公平，佢哋两个好好倾，所以我睇到新闻话佢哋两个不和？一开始冇指名道姓，新闻话有个靓女，我谂唔通系肥妈？哈哈哈。我想强调一样嘢唔系为自己辩护，成个节目评审之间嘅关系都系好好，好close。”
周国丰和海儿，对于谷娅溦退出评审团也感到突然。被问道接任人选安排，周国丰爆料指，下星期将会录影新一集，所以到时就会知道谁是新评审。
海儿撑谷娅溦为节目付出好多。（陈顺祯 摄）
海儿撑谷娅溦：佢系燃烧生命咁拍
有鉴于邓兆尊爆料暗示谷娅溦退出是因为资方意见，周国丰和海儿也表示：“呢个真系唔知㖞。”海儿也补充，肯定谷娅溦对节目出心出力：“咩谣言都有。同埋溦溦工作的确好忙，佢真系好辛苦，成日喺内地拍嘢拍到凌晨三，四点，搭车返嚟又要由头化妆，拍完又要返内地，佢系燃烧生命咁拍。”
传谷娅溦与海儿不和。（陈顺祯 摄）
海儿和周国丰出席《中年好声音4》24强见面会。（陈顺祯 摄）
海儿出席《中年好声音4》24强见面会。（陈顺祯 摄）
海儿出席《中年好声音4》24强见面会。（陈顺祯 摄）
周国丰出席《中年好声音4》24强见面会。（陈顺祯 摄）
轩公unfollow 海儿表示不清楚
张敬轩早前unfollow了不少圈中好友，同属英皇娱乐的海儿表示不清楚：“呢个我又唔系好清楚，因为都系日日工作。（同轩仔熟唔熟？）唔⋯⋯睇吓你点定义熟唔熟，我有同佢同台演出过，所以都系留返公司回应。”