多年前谷娅溦与尹景顺一齐参加歌唱比赛《华人星光大道2》，多年谷娅溦升任评审坐在《中年好声音4》评判席，而尹景顺依然浮浮沉沉做驻场歌手，站在台上接受点评。他们百般滋味在心头，观众亦身同感受。尹景顺日前（13/4）出席《中年好声音4》活动时接受《香港01》访问，罕有谈及当时心情。

志在晋身决赛　盼登启德舞台圆“开骚”梦

“梗系希望可以行到决赛啦，但系行到边度就系边度。”尹景顺如此说道。为什么是决赛而非夺冠？原来是因为想在启德“开骚”。他说：“因为听讲今年喺启德，嚟比赛之前都谂紧系咪要自己畀钱去做音乐会，而家有机会喺启德，我就试吓可唔可以入到决赛，感受吓开音乐会。”

大马驻唱谋稳定收入：用钟意嘅嘢赚钱已好幸福

他坦言，直到现在为止仍然在马来西亚担任驻场歌手。“我哋外国人嚟参加比赛都要用钱。（听落做驻唱歌手冇咁矜贵）佢系一个好稳定收入，我又钟意唱歌。你讲嘅都系啱，驻唱歌手要唱十几首一晚，会辛苦啲。我觉得我可以用钟意嘅嘢嚟赚钱已经好幸福。（有一部分原因为生活？）冇错。”他透露，收入视乎场地而定，由每晚千五到二万不等。“因为马来西亚驻唱好多，就好似打工咁朝九晚五，比较稳定。佢畀你嘅钱系稳定嘅钱，唱骚就多啲，系合理嘅。”

人气急升仍需向现实低头

“一礼拜如果返7日，我都可以返7日，因为而家有比赛会攰，有时落咗机就可以揸车即刻去唱歌。我而家都系排一个星期4，5日。”他坦言，就算是现在因《中年好声音4》而人气大增，仍需要向现实低头。“要揾钱，要生活。”

剖白驻唱残酷悲歌　耗损声带忧被淘汰：工作有寿命

做驻唱歌手，看似收入稳定，但尹景顺就道出另一个隐忧：“如果（香港）冇乜机会，咪返去继续打工啰。我觉得工作唔可以为钱。（唔得就返去做驻唱歌手？）冇错，我嚟参加，其实都系觉得有啲攰嘅。成日都唱好多歌，都唔知自己做紧啲咩。因为讲真，我哋驻唱歌手又可以做几耐呢？可能40，50岁，已经有场馆唔请你，因为你年纪大，有后生嘅后浪推前浪。（唱多10年就冇？）会㗎，无论咩工作都有寿命，我哋工作短啲，因为成日唱好多歌，声都会唔同。点解佢哋觉得驻唱歌手冇咁矜贵，就系因为我哋用把声用得多过专业歌手好多，因为佢哋一日唱一两首，或者一个礼拜一两首就够用，但系我哋一日18，20首，一个月200首，辛苦㗎。但系我哋赚钱算容易，好多人工作辛苦过我哋仲赚得少，我哋已经好幸福。”