陈庭欣今日于香港君悦酒店为第29届“全港厨师精英大汇演”活动担任喜宾，以美食行慈。陈庭欣接受访问时表示：“今日嚟叹美食，本身都好钟意食嘢，我咁努力做运其实都系为咗可以食多啲嘢。不过嚟紧要拍剧，客串Bob爷（林盛斌）首次做男主角𠮶套新剧，有两个场口要着露腰衫，一场系打拳，另一场系枪战。（Bob做黑帮大佬？）套剧好似系搞笑嘅，唔知我客串𠮶几场戏会唔会遇到佢，今次系动作场口多。”

获林盛斌极力推销猛人助脱单

陈庭欣于去年12月宣布回复单身，Bob其后也有介绍男士给她认识。陈庭欣表示Bob一直好关心她：“Bob爷久唔久就会send message畀我，话要介绍啲朋友畀我，又问我有无同人出嚟食饭，有无再约人见面，𠮶时我喺北京好忙，要打波比赛。我有叫佢唔使担心，佢so far介绍咗两个猛人畀我，一个已经见过，另一个唔知Bob爷佢点安排。佢好关心我，话已经帮我scan过晒，佢真系好落力，我觉得佢系一个top sales。（有无睇中边个？）暂时唔会心动，我系抱住一个认识新朋友嘅心态，目前想先专注工作，同埋打波。好多街坊都有鼓励我，话我会揾到个好嘅。（拣男朋友要唔要识打波？）我好钟意打波，如果佢陪到我就更开心。”另外，问到陈庭欣可会考虑雪卵？她说：“无谂㖞，觉得唔一定要有小朋友，人生唔一定系咁嘅固定嘅step。”