年初凭内地微短剧《瘦一斤，赚一斤，虐哭前任不过瘾》人气急升的阮嘉敏（Mandy），昨日（16日）现身电视城出席《女神配对计划2》全球招亲记者会，宣布正式加入“女神”阵容。她接受《香港01》访问时表示，原本四月要返上内地拍摄短剧，但因为延期，所以就可以趁中间空档参加这次真人骚，“系公司提议我参加的。上星期尾，公司突然叫经理人我可唔可以返嚟面试，结果一倾就倾咗两个钟，回顾返我咁多年嘅恋爱心路历程，所以呢几日我啲前度不断喺脑入面浮现，有啲个样甚至已经好模糊。”

入行10年首战真人骚　35岁成优势？

现年35岁的阮嘉敏，是5位新女神中年纪最大，今次也是她入行10年第一次参加真人骚，她直言心情好紧张，“同埋屋企人好鼓励我参加。（系咪因为妳都35岁，担心妳？）系嘅，但我觉得呢个年纪都系一个优势，因为我年纪最大，大家会帮我先啰。”

曾遇旧爱“无缝接轨”

谈到感情经历，曾拍过四次拖的阮嘉敏，透露有一任男友涉及“无缝接轨”令她受伤。她形容当时两人正处于冷战阶段约两星期，后来当她尝试挽回时，对方态度竟出现180度转变，“我问佢系咪同咗第二个女仔一齐，佢话冇，但最后我哋分开咗，佢哋就真系喺埋咗一齐。”不过阮嘉敏认为爱情无分对与错，在一起的那三年，对方也曾对她呵护备至，“所以我觉得唔紧要，最重要系佢开心。”

自认“工作狂”忽略另一半

除了遇到不忠，阮嘉敏亦自我检讨，承认过往因为太专注工作而冷落了另一半。由于艺人工作时间极度不稳定，她曾多次为了拍剧或出活动而放飞机，甚至连对方的生日也陪得半日。“我将份工作摆喺第一位，咁系令佢哋好委屈，系唔好嘅，所以我未来都要好好检视呢个问题，学识取得平衡。”

问到怕不怕被前度爆黑历史，阮嘉敏自言不担心，因为她有个宗旨，就是分手后不再与前度联络，但仍然会互相祝福对方，“所以我觉得佢哋知道我参加呢个节目嘅话，会觉得：‘死啦，佢仲未嫁到。’然后会祝福我，希望我揾到一个好男人。”

抗拒姐弟恋

对于即将在真人骚中寻找真命天子，阮嘉敏公开自己的择偶标准。她坦言不太能“姐弟恋”：“坦白讲，去到我呢个年纪都唔想试咁多了，而且男仔比较迟熟，如果再揾个细过我嘅，我未必驾驭到佢，我惊要凑仔，我唔想担心老公食咗饭未、识唔识包扎伤口呢。”

曾萌生“相睇”念头

至于可接受年龄上限，阮嘉敏直言大十几年甚至二十年都可以接受，“最紧要睇大家夹唔夹，爱情真系冇（界限）嘅。”谈到活动上自爆两个月前有想去相睇的想法，阮嘉敏大方承认是有跟妈妈提及过，因为她很“宅”，平时不是公司就是屋企，“阿妈问我点解圣诞节妳都喺度嘅，我话我无人约嘛。妳问我，我系想拍拖嘅。既然相睇都要俾钱，但而家公司有骚钱俾我，仲帮我揾男朋友，所以唔好再话公司唔俾拍拖了。”