陈可辛专访｜视金像奖如奥斯卡 塑造独一无二的《酱园弄·悬案》
陈可辛导演阔别香港电影金像奖多年，今年凭《酱园弄·悬案》收获7项提名，对他本人而言意义重大：“我嘅事业喺香港开始，所以香港电影金像奖对我嘅份量好高，因为𠮶个系我嘅起步点，亦都系我嘅奥斯卡，只要被人睇到，都系我嘅荣幸。”由敲定《酱园弄·悬案》的时代变迁格局，到跟“非她莫属”的章子怡携手塑造独一无二的女主角詹周氏，陈可辛均对这部作品倾注了无限的爱。观众现时亦可于Now TV的Now爆谷自选服务收看《酱园弄·悬案》，欣赏到这部当代佳作。
撰文：何德
阔别金像奖多年竟心情矛盾？
陈可辛导演的倾力之作《酱园弄·悬案》，于今届金像奖收获7项提名，更包括最佳电影、最佳导演、最佳女主角等大奖，他亦直认心情雀跃：“梗系好感恩啦，其实好几年我嘅电影喺香港都冇提名，以前有提过名、攞过奖，但系呢十几年都冇再提名最佳电影同导演，都比较少喺香港受到关注。对上一次攞到导演奖系《投名状》，好似寻日咁，但眨下眼其实19年前。”
他坦言自己近年专注于国内拍片，所以都理解未必得到金像奖提名：“虽然我系个香港导演，但呢十几年拍嘅都唔系传统港产片题材，冇提名都合理。所以今次有返呢个提名系开心，但心情都有啲矛盾。”他强调，自己对“香港导演”这身份感受强烈：“You can take me out of Hong Kong, but you can never take Hong Kong out of me.
我拍片嘅方法、审美、价值观都系由香港开始 ，无论我喺边度拍戏，𠮶个我都冇变过！”
难忘《双城故事》坐在台下一刻
陈可辛的事业于香港起步，因此对香港电影金像奖别有一份情意结：“我嘅事业喺香港开始，所以香港电影金像奖对我嘅份量好高，因为𠮶个系我嘅起步点，亦都系我嘅奥斯卡，只要被人睇到，都系我嘅荣幸。”数到最难忘的一次颁奖礼，必定是带著处女作《双城故事》参与的那年：“最深刻系自己第一次拍电影有提名，《双城故事》系我第一部，就已经有三个提名，美术、编剧同最佳男主角，曾志伟仲攞埋最佳男主角，虽然我个人冇提名，但第一次坐喺𠮶度，一定系最深刻印象，甚至比《甜蜜蜜》攞奖更加深刻。”
《酱园弄·悬案》的时代性
《酱园弄·悬案》改编自真人真事，也是一个封建社会被压迫女性作出反抗的故事。陈可辛导演坦言，他并没有以“女性电影”看待这部作品，反而是以另一个角度切入：“咁样讲可能好多人闹……但我冇当佢系女性电影去拍，但我亦唔能够占了便宜又卖乖，系因为女性主义擡头，先至有咁多人愿意畀呢个资源，去让我拍一部唔系好典型嘅商业电影。我唔系女性，如果我话我拍女性主义电影系好扯谈。对我嚟讲，呢个系大时代里面强者同弱者嘅故事，系因为时代令到呢个女人嘅命运改变。”
女主角非章子怡莫属
戏中由章子怡饰演谋杀亲夫的詹周氏，演技备受赞赏，亦让她获得今届金像奖影后提名。陈可辛导演表示，打从一开始他就确信只有章子怡能做到：“因为章子怡嘅倔强。你想像一个弱小嘅女子，被一个好大只嘅老公打，佢亦都反抗甚至杀咗佢，仲将佢碎尸，呢样嘢要一个好硬净嘅女人先做到。但就咁拍一个好硬净嘅章子怡，佢已经做过好多次，你点样令到佢唔同呢？”
除了在化妆造型上下功夫，章子怡亦刻意减肥，在镜头上显得瘦弱无力，从内到外都演活了角色的封建、愚昧：“呢套戏入面佢系封建、愚昧，仲要唔识字，佢因为信个算命嘅讲，如果留全尸，下世就会同呢个人有关连， 佢只希望来生唔会再撞到呢个人，所以只能将老公碎尸。呢种愚昧加上倔强，我觉得章子怡做得特别好。由一开始我已经认定系佢做，佢亦都deliver到个角色，我都谂唔到边个可以代替到佢演。”
每部作品都需要“爱”
陈可辛拥有超过40年的电影制作经验，亦是华语影坛中极具代表性的导演，很多类型、题材都拍过，问到他是如何决定接下来新作的题材？他坦言：“因为个市场会变化，电影亦都需要庞大资金，好难话我想拍咩就拍咩，好多时都系睇下个市场需要啲咩。例如 《酱园弄》呢套戏点解等咗咁多年，就系由唔啱嘅时机等到佢啱。”
陈可辛亦是一位著名的监制，至于如何决定何时只担任监制，何时会亲自执导，他简单地以“爱”去解释：“如果一套戏只系有商业价值，你就做监制啦，再揾个导演拍。做监制系，套戏你都喜欢，但唔需要爱上𠮶套戏，只要佢商业上成功，揾到演员揾到投资就可以。但如果要搞几年，去做导演，你一定要爱上呢部戏，将呢部戏personalize，代入到每个角色，通过角色表达到你对呢个世界嘅睇法，先可以叫作品。”对于每一部属于他的作品，他都倾注了当时对世界与人生的看法：“其实我嘅每一部戏都系讲紧我当时对人生嘅困惑，或者睇法去成为主题。佢可以系歌舞片例如《如果·爱》，可以系体育片《夺冠》，可以系战争片《投名状》，可以系爱情片《甜蜜蜜》。”
《甜蜜蜜》的意义
现时Now TV可以观赏到《酱园弄·悬案》，陈可辛导演笑指，当然最理想是在大银幕观赏此作，但即使在上映时错过了，能透过点播观赏，都绝对是好事：“当然最好系喺戏院睇，但因为各种原因冇喺戏院睇到，咁都系有睇好过冇睇。可能喺电视或者电脑睇完又有机会遇到重映，观众都会想喺大银幕睇返。”
时代已经不同，观众也更惯常于点播收看各类型的电影作品，陈可辛更举了其代表作《甜蜜蜜》的例子：“就算《甜蜜蜜》当年嘅票房都唔系特别好，其实九成嘅人睇《甜蜜蜜》，都系透过VCD、DVD或者网上睇。即使我去过咁多地方，内地、韩国、泰国建立到嘅fans base，都系因为《甜蜜蜜》，但佢哋十个有九个都唔系大银幕睇。咁如果我只坚持要喺大银幕睇，可能我嘅事业都冇今日，因为我嘅事业一大半，都因为《甜蜜蜜》。”只要是优秀的作品，都值得观众以不同形式去支持。好戏不妨一睇再睇，《酱园弄·悬案》现已于Now TV上架，绝对值得大家细心观赏，一再收看。除此之外，今届获香港金像奖提名的《赎梦》、《无名指》、《像我这样的爱情》、《拼命三郎》、《捕风追影》及《水饺皇后》等多部佳作都已于Now TV上架，当中包括所有获最佳女主角提名的作品，阵容鼎盛。