现年46岁，由运动员转战娱乐圈25年的方力申（Alex），将于5月15日起举行一连两场首次红馆骚《方力申Perfect Moment 最佳时间演唱会》，并同步推出新歌《万刀甲》。Alex近日获主持人梁泰来的邀请，接受雷霆881商业一台《星光背后》专访。

节目中，Alex除了分享他今天不再忌讳，选择以新歌《万刀甲》正视“万刀甲”这个网民所改的花名带来的负面标签外，亦寓意任何人都可以透过不断努力与操练，最终都可以出人头地，他还大方分享与爱妻叶萱（Maple）的相恋经过。谈及太太曾被韩国宗教欺骗的惨痛经历，Alex一直欣赏太太的坦白：“拍拖前佢已经同我讲，令我更欣赏佢嘅勇敢。”二人拍拖时便向Alex的父母坦白，父母的表现更令Alex动容：“妈咪揽住Maple同佢讲，无论你同我个仔将来系点，我都当你系亲生女，我即刻喊出嚟。”

2023年初，Alex公开与相差14岁的叶萱相恋数月，之后去年情人节宣布结婚，并于同年12月喜获千金，成功诞下女儿方爱嘉（Isla）。走进男人四十阶段，事业与爱情均迅速达标，Alex说一切都是缘份：“系亲戚介绍，不算相睇，或者我单身好耐，立即畀佢外表吸引，即刻抄佢牌，系好老土咁先倾电话再约佢出街，问佢可唔可以继续交往。系好快，几日就介绍佢畀我屋企人识。Maple知我多绯闻，仲以为我好识追女仔，玩乖仔政策，但我系好认真，我认最初钟意佢多啲。”

拍拖了解不久，Alex已肯定对方是终身伴侣：“首先佢性格好唔同，好简单朴素，同佢去欧洲旅行无要求买任何嘢，而家生埋女，仲话以后唔需要买礼物送畀大家，我真系未见过。加上相处同沟通好夹，畀到我爱同信任，会觉得佢会陪我走到人生最后。”

二人拍拖时，太太正经历往返韩国为女性发声的惨痛经历，Alex更欣赏太太的勇敢与坦白：“拍拖前佢已经同我讲晒，佢嘅坦白，令我更想了解佢同鼓励佢。𠮶两年佢曾经沮丧，因为韩国人会觉得佢系英雄去打击邪教，会表扬佢勇敢发声，反而香港网民，话佢蠢、贪慕虚荣同搏出位。我同佢讲唔使理，我亦唔好意思，因为你同咗我拍拖。”

至于二人婚前先跟Alex的父母坦白，Alex最为感动：“我好醒，未讲之前先畀父母了解佢呢个人，几个月后先一齐约屋企人讲，我谂亦系我人生同爹地妈咪最难开口嘅一次，讲之前都想喊，但爹地好搞笑话：‘做乜呀？你哋有咗呀？’其实妈咪同Maple一直好夹，我讲完佢即刻叫Maple埋去，跟住妈咪揽住Maple同佢讲，无论你同我个仔将来系点，我都当你系亲生女，我又即刻喊出嚟，即系大家都好有爱好有力量。”

成为人夫同年迅速做人父，Alex经常网上分享凑女乐事，但他却说在家中地位不保：“以前太太成日挂住我，约咗朋友七点食饭，七点半就问我返嚟未，而家系去到十二点先问我，我系变咗无地位！我最初以为生咗小朋友会好温馨好sweet，但感觉系少咗拍拖𠮶种感觉。”对于太太紧张女儿自己仿如失宠，方力申语带心酸笑说：“由佢怀孕到而家，我都同佢讲，你系紧要过我个女嘅，我系紧张阿妈多过紧张个女，但系太太已经变咗，紧张个女多过老公。”至于Alex曾经扬言想太太生三个，他表示庆幸夫妻二人第一胎生女，“我绝对钟意女多过仔，因为我好传统会好严，会迫仔女游水，如果系仔先，我一定系虎爸，一定好严要佢有纪律有礼貌，而家有个女warm up先，就算阿女游水唔叻都唔会受咁大压力。”

虽然囡囡Isla只有四、五个多月大，但5月的红馆处男个唱，Alex一定会带女儿到场，事关他极盼望三代同堂于舞台拍摄一张纪念全家福。