金像奖2026｜林敏骢教卢慧敏猴子偷桃姜涛 噏错台：唔系TVB咩？
撰文： 林迅景
出版：更新：
《第44届香港电影金像奖》颁奖典礼今晚（4月19日）于香港文化中心隆重举行！电影《触电》拍档林敏骢和卢慧敏（Amy Lo）手拖手出现颁发《最佳美术指导奖》。颁奖前的“闲谈”环节，林敏骢尽显“无厘头”本色，更即场教Amy Lo“猴子偷桃”姜涛！
林敏骢同卢慧敏拖住手出现《第44届香港电影金像奖》颁奖典礼。（叶志明 摄）
林敏骢讲嘢真系⋯⋯（叶志明 摄）
林敏骢真系“搞笑”。（叶志明 摄）
林敏骢尽显“无厘头”本色
林敏骢：“2026年有好多世界大事发生，包括本人导弹级州际巡回演唱会，大家密切注意。”Amy Lo：“演唱会？咁你有冇谂住叫埋我？”林敏骢：“我梗叫埋你，你系我分身嚟㗎嘛。唔系边个帮手⋯⋯半夜⋯⋯尿急⋯⋯”Amy Lo尴尬笑了一笑，续说：“嗱，喺电影《触电》入面系拣咗我做你分身，如果俾你再拣多次，你会拣边个做你分身？”林敏骢：“都系拣你。”Amy Lo：“拣我？点解唔拣古老板呀？”林敏骢：“古老板梗系好啦，又可以穿越过去，去未来，又高大又靓仔又大把钱。佢唔睺我哋㗎啦。”
卢慧敏都唔知点答，好明显有啲系林敏骢“爆肚”。（叶志明 摄）
林敏骢以为《第44届香港电影金像奖》颁奖典礼喺TVB播。（ViuTV截图）
林敏骢以为《第44届香港电影金像奖》颁奖典礼喺TVB播。（ViuTV截图）
台下嘉宾揞住半边嘴笑。（ViuTV截图）
唔知ViuTV播变TVB
Amy Lo：“又好似同你差唔多咋㖞。”林敏骢：“咩同我差唔多？都傻。今日好多老友都攞奖，杜德伟都攞奖，下一个都你啦，鲍姐。”Amy Lo：“咁你会唔会考虑做小鬼？”林敏骢：“吓？小鬼？大吉利是咩，不如姜涛？咁唔得㖞，呢度TVB嚟。”Amy Lo闻言马上阻止：“唔系呀。”林敏骢：“吓？！唔系TVB嚟㗎咩？”现场随时传出一阵呼声。林敏骢：“姜涛做咗ViuTV总经理。”Amy Lo马上打圆场：“好，唔该晒，不如呢，我哋⋯⋯”林敏骢：“唔系唔系，姜涛唔惊㗎，对付佢好易，我教你一招。”之后林敏骢伸出了右手手掌：“有冇气？！”
林敏骢教卢慧敏猴子偷桃姜涛。（叶志明 摄）
林敏骢教卢慧敏猴子偷桃姜涛，唔知姜涛有咩感受呢。（ViuTV截图）
林敏骢教卢慧敏猴子偷桃姜涛，唔知姜涛有咩感受呢。（ViuTV截图）
教Amy Lo猴子偷桃姜涛
Amy Lo：“我想问，呢招叫？”林敏骢：“呢招叫猴子偷桃！”Amy Lo马上收回她的右手，说：“唔该晒骢哥。我哋一齐睇吓提名片段。”
唔知姜涛有咩feel呢。（叶志明 摄）