李家鼎（鼎爷）前妻施明的丧礼将于今日（4月22日）于大围宝福纪念馆设灵，翌日大殓仪式结束后，灵柩随即奉移富山火化场火化。施明生前好友黄夏蕙亦有到灵堂致祭。黄夏蕙接受访问时表示在李泳汉李泳豪两兄弟小时候已认识他们：“佢哋两兄弟感情好好，好乖，依家都好好，喺灵堂见到佢哋都和善，气氛好好。我好锡佢哋，头先都有揽住佢哋嚟锡。”黄夏蕙表示不知道他们一家的是非，她与施明份属好友，但与施明并不会讲家事。她大赞施明说：“佢系个好好嘅妈咪，好尽责照顾屋企同两个仔仔，咁多年都无怨言。”

黄夏蕙表示不知道施明的家事，问到知否施明同两个新抱相处怎样？黄夏蕙说：“佢哋关系好好。（话佢唔钟意细新抱？）我从来唔知呢啲事。（佢有无提过财产分配？）无提呢啲，施明佢都无谂过自己咁早过身，𠮶时大家相处得好好。（会唔会做中间人劝下两兄弟？）我叫咗佢哋乖乖哋，佢哋都应承我唔再麻烦人。我都有叫鼎爷节哀，佢瘦咗老咗无咁精明，有安慰下佢。”她透露和施明以往都会互相帮忙，施明入院后她未有去探望。黄夏蕙说：“佢唔畀我探，无话我知佢病咗入院，佢好低调，唔畀人知佢啲嘢，我都无打电话畀佢，无事唔会特登打电话，对上一次系演唱会见。（有报道话鼎爷被李泳豪监控？）我觉得唔会监控，一个人点会畀人监控到，以我所知唔会。我有叫佢哋两兄弟唔好乱嚟，有咩事揾我同你哋搞。”她又谓未有瞻仰遗容，明天会再来送别施明最后一程。