罗家英（家英哥）为庆祝2026年踏入八十岁，将于2026年5月21-25日（星期四至星期一），假西九戏曲中心大剧院举行《罗家英八十光影醉艺坛》，连演五日五场，粤剧剧目包括：21日（夜场）《曹操与杨修》、22日（夜场）《糟糠情》、23日晚（夜场）《梦断香销四十年》、24日（日场）《佘太君挂帅》及25日（日场）《荆钗记》等等。五个剧目，将伙拍不同对手，是难得一次的粤剧演出，绝对不容错过。

罗家英庆祝八十岁生辰举行《罗家英八十光影醉艺坛》

家英哥今日（4月23日）与汪明荃、尹飞燕、庄婉仙、吕洪广、温玉瑜、李沛妍、林芯菱等等，于西九戏曲中心香港友好协进会演讲厅举行记者会交代演出详情。家英哥表示80岁生日，但入行已不经不觉70年，“我80岁，都几难得嘅一个日子，想趁住80岁生日，做返啲对社会有用有益嘅事，喺呢个粤剧界做咗70几年，我系7、8岁喺茶果岭登台做‘堂旦’，咁样踏上舞台，转下眼到依家70年个年头啦！趁住70年就喺舞台上再做一啲演出畀大家睇。”

为纪念尤声普拣选演《佘太君挂帅》反串演佘太君

《罗家英八十光影醉艺坛》选演五个戏宝，家英哥表示全部都是好戏，“如果唔系好戏，我都唔会演。”当中拣选《佘太君挂帅》一剧因为纪念好友尤声普，剧中会反串“佘太君”一角，“同佢做咗40几年师兄弟，我做每套戏都会有佢份，佢开嘅新戏一定会揾我做，我同佢、李奇峰三个人经常合作，一齐排戏、食饭、谈戏剧，我哋三对夫妻都会一齐饮茶，依家佢哋两个都走咗，我哋倾偈系将1950年以后嘅香港粤剧嘅历史讲出嚟，普哥会将自己做小角色时嘅事讲畀我听，佢仲会话‘你记住佢，唔系以后冇人知㗎！’但系，普哥对唔住，我真系唔记得咗，所以呢套剧系怀念普哥。”

汪明荃拍档演《荆钗记》落力支持老公选八和主席

《曹操与杨修》是家英哥与尹飞燕（燕姐）开山之作，今次在《罗家英八十光影醉艺坛》中两人会再度合作，燕姐谓回顾跟家英哥合作已数十个年头，“我初出道到成为正印花旦，一直都有不少机会同家英哥合作，家英哥能够演出到80岁真系好难得，随住年龄增长同人生阅历丰富，演文戏会比后生时更加出色，相信今次演出一定会好精彩。”

阿姐汪明荃将跟家英哥合演《荆钗记》，阿姐表示今次演出有一定难度，“虽然呢套戏以唱功为主，对我嚟讲有啲吃力，但依然希望可以展现最好嘅演出，家英哥喺同一行业工作70年，系非常唔简单，并祝愿佢喺80岁时能保持最佳精神同体力，好好照顾身体。”

记者会上家英哥再提到参与八和会馆竞选的目的，“八和唔单止系一个会馆，佢系我哋嘅根，系守护粤剧呢团火一百六十几年嘅灯塔。我喺呢个舞台行咗七十年，见证过粤剧嘅黄金时代，亦深知今日经营之不易。我明白大家对生计嘅担忧，亦理解年轻一辈前途嘅迷茫。如果我当选，我嘅核心工作将围绕三个‘心’。” 家英哥又表示：“主席呢份工，系一份责任，更系一份服务。我渴望用我余下嘅精力，回馈呢个养育我一生嘅行业。我唔系要带领大家，而系要同大家‘齐心协力’，一齐行。”

家英哥八和会馆竞选政纲如下：

守护初心（深耕传承）：“我哋唔单止要教戏，更要教人。我会推动更具系统化嘅师徒传承许划，争取资源让新秀有更多‘踏台板’嘅机会，令粤剧火种不灭，代代相传。”

凝聚同心（凝聚团魂）：“同业嘅福祉系我嘅重中之重。我会积极同政府、社会各界争取，优化演出场地申请流程，争取更多演出机会。让每一位梨团子弟都能够有更好嘅平台，更多机会，亦希望同政府申请到一处地方兴建骨灰龛让我哋已离世嘅同业前辈有一个安息之地。”

展现雄心（开拓空间）：“守正之余，必须创新。我会利用我嘅经验同网络，加强与大湾区及海外嘅艺术交流，并购买一个新嘅会址，改善工作人员在舒适的地方，令工作更加舒心，更为香港粤剧开拓更广濶嘅演出版图，让粤剧艺术融入现代生活，吸引更多年轻观众。”

《罗家英八十光影醉艺坛》

主办机构：卓欣发展有限公司
协办机构：缨华粤剧团
举行日期：2026年5月21-25日（星期四至星期一）
举行地点：西九戏曲中心大剧院