ViuTV开台十周年，今日举行《ViuTV 10周年午宴》，全台上下盛装出席，并预告来年精彩节目。其中两个重头戏，便是重制日剧《悠长假期》新版，以及韩剧《金秘书为何那样》新版。《悠长假期》中木村拓哉及山口智子的角色，将由吕爵安（Edan）伙拍李佳芯担纲；而《金秘书为何那样》中，朴叙俊及朴敏英的角色，则由卢瀚霆（Anson Lo）及苏雅琳（Ivy So）演出。MIRROR及COLLAR受访时，Anson Lo直言有压力，指：“我冇办法可以超越佢嘅Popularity，或者佢靓仔、Man嘅程度，所以就做一个Anson Lo版嘅金秘书嘅总裁。”而Ivy则笑言：“希望唔好收到刀片。”

继《社内相亲》三年后，Anson Lo又再饰演霸道总裁，他认为今次会比之前更好玩，因为角色内心是大细路：“比较钟意再chok啲，觉得自己好靓仔，有时候会撒娇，所以我觉得今次系几特别嘅，唔同以往大家觉得霸道总裁一定剩系得个chok字咁样，我觉得今次系有多少少layer去玩嘅系剧本上。”对于要演朴叙俊的角色，他不讳言有压力：“压力一定有，但系我冇办法可以超越佢嘅popularity，或者佢靓仔、man嘅程度，所以就做一个Anson Lo版嘅金秘书嘅总裁。”

原版《金秘书》中有超激烈咀戏，问到会否与Ivy So重现激嘴，他透露与导演、团队开过会，尽量想跟足原版，但实则上跟几多就要在围读时再决定，希望会加入香港元素。Anson Lo又分享自己对Ivy So的印象，指：“Ivy不嬲我觉得系好专业同好上进嘅，我同佢工作见面次数好多时都系颁奖典礼见到，又或者同COLLAR一齐排舞试过一、两次，所以见到佢哋都真系好well-prepared，甚至上次开会𠮶次，Ivy So已经系prep好佢今次过嚟要讲嘅嘢，带咗一啲questions出嚟想大家一齐倾嘅，所以成个团队大家都一齐好有准备！”

至于Ivy So在COLLAR的访问中，表示要演出朴敏英的金微笑一角非常紧张，“我同阿Lo虽然……入咗公司差唔多四年，但系好少同阿Lo有合作，暂时同佢开咗两次会，见咗两次面，都有啲紧张，希望多啲机会可以同佢熟悉吓，希望fans们会钟意，希望唔好收到刀片！”对于Anson Lo的赞美，她称十分惊讶，因为之前没太多合作机会，没想到对方会对自己这样了解，Ivy透露之前有睇过《金秘书》，但冇睇晒，如今会重新睇一次，又说：“始终系大IP，希望做好佢！睇咗唔同嘅版本先同导演开会，希望可以出嚟件事有香港嘅感觉得嚟，又可以keep到韩剧sweet嘅感觉。”至于对激咀戏是否ready，Ivy说：“我OK嘅，我演戏啫，对手咁靓仔我OK。”

至于《悠长假期》，先讲Edan要饰演木村拓哉的角色，他笑说：“系咪想打我？”然后表示很开心及荣幸有这个机会，但当初确实“打咗个突”，“我记得做紧嘢嘅时候，花姐同我讲话有坛咁嘅嘢，就问我有冇兴趣，我话‘吓？我做木村？系咪玩嘢先？’始终知道依套剧系一套好神嘅剧，亦都知道木村喺大家心目中绝对系𠮶个模样，而小弟身为之前做《大叔的爱》原版嘅田中圭，都未必谂到突然间摇身一变，变咗做木村呢个角色。”他指当初都考虑了一会，但的确机会难得，作品及剧本一定好，对演员阵容亦十分期待，所以他就转念：“我系演个角色嘛，唔系演木村，所以希望用呢个角度参与今次拍摄，同埋同导演com咗一次，佢都十分之有心，𠮶位导演自己带返嚟，佢自己提出，佢好钟意呢套剧，呢套剧唔系单纯嘅偶像剧，里面有好多人生嘅message，佢好想带到畀香港观众，所以都令到我更加有信心同期待。希望可以做呢件事！”被问是否由导演指定他演出，他直认：“导演话心目中当初的确系想揾我做嘅，我谂主要因为弹琴，唯一关事都系得弹琴呢part，我希望全部都坚弹，做好呢件事先。”

今次将与前TVB视后李佳芯（Ali）合作，Edan表示第一个反应是震惊，他说：“冇谂过，但系同时都觉得几有趣，可能有啲唔同嘅火花，同埋可能大家都觉得新鲜，所以都期待。同Ali本身唔认识，但系啱啱𠮶次导演会嘅聚会，咁啱坐同一台，所以𠮶次打咗招呼，‘我哋嚟紧一齐合作㖞！’希望可以一齐努力！”他透露剧集将于下半年开拍，指1996年播出时自己未出世，而香港播出时他则大约3岁，但近日也有在影视平台翻煲。此外，江𤒹生（AK）饰演原本由竹野内丰演出的山口智子细佬，但松隆子一角究竟由谁演出，Edan指现时暂未能公布。

而活动上，MIRROR宣布今年将开拍团综，并逐一许愿，尤其邱傲然（Tiger）称可以为公司团综上刀山、落油镬，受访时王智德（Alton）问：“今日咁样谂一谂，都惊我哋背后系咪有其他资讯我哋唔知？我哋知道会系今年嘅秋季时间去发生嘅呢件事，但系实质个制式系点，会唔会喺香港定海外，好似都未系有好确实嘅资料。”Anson Lo就说已去过澳门、澳大利亚等地，希望今次能去欧洲：“去远少少已经好开心！”

日前在金像奖后台，王丹妮与谭旻萱拍片表示：“我要嫁个有钱人！”此时姜涛突然路过镜头，令两女都呆一呆，而杨乐文（Lokman）及江𤒹生（AK）则疯狂耻笑姜涛，因为三子原本讲好一齐过镜，结果只有姜涛行动，Lokman和AK照样站在原地食花生，姜涛笑言：“系㖞，今日昆我𠮶两个唔喺度，明明隔篱stand by讲好佢哋拍呢条片，话佢哋讲嫁有钱人，我哋不如咁啱经过，好似几好笑，但系佢哋冇啰就系，就系咁简单。下次唔好呀！好尴！”