ViuTV开台十周年，昨日（23日）举行《ViuTV 10周年午宴》，全台上下盛装出席，COLLAR受访时希望来年有机会七个人拍同一套剧，其中邱彦筒（Marf）又想挑战《恋爱等高线》等行山节目，又或者一齐做饮食节目。讲到许轶（Day）将会有剧集《日落下的彩虹》，她说希望能再拍剧，而Marf就觉得她比以前成熟，因为Day两、三年前曾十分抗拒拍剧，Day回应：“两三年前我都想，但系而家就好庆幸，遇到两套剧合作嘅演员、前辈，都好好，十分之Nice，所以自己想拍剧嘅心都大咗。”由于Day尚未献出萤幕初吻，因此她表示完全ready，最终她表示可以献吻畀沈贞巧（Gao），后来七位就说希望可以开拍GL剧，Day：“开GL剧！有BL都要有GL！”

与陈奕迅金像奖同台演出　Marf赞真人搞笑似足细路

日前在金像奖开场上，李芯駖、Marf有机会跟陈奕迅（Eason）负责《致明日的舞》开场表演，Marf感到十分荣幸：“好开心可以认识到佢真人，因为佢系好放松，同埋其实超级似小朋友咁样，同佢相处，佢嘅状态好搞笑，认真嘅时候都超级认真，唱歌要抛出去，但佢都坚持要跳埋舞，佢点都想转返个圈本身，我哋就话其实你唔转都得嘅，你控制我哋转啦，佢就觉得‘好呀，咁都好。’但系佢都会照up down up down㗎，佢都好劲。”芯駖完全感受到对Eason表演的热爱，又谓：“首歌都难唱，同埋佢系好大力，我冇谂过原来你咁大力咁跳，以为佢会轻轻力咁，但系佢唱住咁揈出去，佢都好enjoy。”

获Eason亲切嗌全名感兴奋　尽情伴舞享受纯粹神级时光

过往Eason曾点名大赞Marf，但Marf就说见面时对方未有特意说什么鼓励的话，而是轻松、像朋友地聊天：“佢状态令我哋feel到有一种好纯粹嘅support，好简单，唔使讲。”她又表示为Eason伴舞会紧张，但又会开心“我哋好耐都冇试过净系喺个台度跳舞，所以有一种好纯粹同埋冇其他嘢担心嘅感觉。我记得一开场嘅时候，我哋喺度拉筋，有一日系想开声，唔知点解听到佢喺度嗌，‘点解开声嘅？’同埋戴ear mon又唔使唱𠮶下几有趣，但系我觉得最特别𠮶种感觉系佢嗌我哋全名，唔知点解有一种感觉系几开心。”

芯駖与Eason倾尽天文地理　素颜排舞被认唔出与《夜王》同一人

至于芯駖就跟Eason讲尽天文地理，她说对方什么话题都搭得上嘴：“天文地理乜都识，讲关于啲contem嘢，话钟意pop couture定contemporary couture，两者之间有咩矛盾，点样存在。佢话咁你自己钟意contemporary定系pop Culture，之后话其实两样都冇乜所谓嘅，最紧要大家钟意，讲好多学术性嘅嘢。”此外，Eason问芯駖有冇拍戏，芯駖就说自己拍了《夜王》，近日仍处于宣传期：“佢话，《夜王》？呀！系㖞！认唔到你！原来系会认唔到！因为我哋排舞冇乜点化妆，认唔到，好得意。”最后，她透露Eason表示想做舞台剧，所以有机会的话她希望能合作。

Marf谈男友Locker失落金像奖　芯駖肉麻：无论点佢都系你嘅最佳男配角

而讲到林家熙（Locker）失落最佳男配角，身为女友的Marf就指：“我觉得佢都系平常心嘅本身，但系都系经过𠮶日先知，原来自己会有少少失落㗎㖞，我都戥佢……因为我成日觉得佢冇乜感觉，好似乜都平常心，木头咁样……咁讲好似好衰咁㖭？跟住我就觉得，原来佢系会有呢个感觉！同埋佢嚟紧都将会有好多要prepare嘅作品，所以我都觉得好戥佢嘅未来感到期盼。”而芯駖此时说了一句：“无论点都好，佢都系你心目中嘅最佳男配角！”COLLAR其他成员听到都尖叫了出来，因为实在太肉麻。