ViuTV昨日（23）举行十周年午宴，黄奕晨、陈安立、强尼、骆振伟（Thor）、陈俞希（Hailey）及陈子丰六位“开台元老”齐齐接受访问，被问到对公司有什么诉求时，强尼率先表示私心想公司出钱帮“一姐”Hailey出写真集，重提她2009年出𡃁模写真一事，自爆：“我有时都会都会攞返Hailey以前本写真集出嚟再嗒返！”骆振伟因而笑指内页可能已黐住打不开。而Hailey则透露，公司师弟妹太年轻，不知道自己曾出写真，试过与许宝恒（Alice）出外景，对方惊讶问：“原来你拍过呢啲㗎？”

强尼激赞Hailey靓过当年　盼公司出钱再帮对方出写真

六位受访时讲到强尼其实是最后辈，因为他迟三个月入公司，被骆振伟笑“迟来先上岸”。而陈子丰从nowTV开始计已效力公司15年，可惜未有机会攞“长期服务奖”，自言：“出面咁多后生，都要认老。”对此，Hailey都感叹青春流逝，之后六位讲到对公司的诉求，强尼就说：“头先你哋话年龄冇老过，我有时都会都会攞返Hailey以前本写真集出嚟再嗒返。”不知有几多观众记得，Hailey在2009年𡃁模热潮时期，都曾组成“8模少女”，以Hailey C.之名推出写真集，并有“周秀娜师妹”之称，强尼大赞：“而家真系靓过𠮶阵时！我私心希望公司出钱帮而家嘅Hailey出一本，我觉得真心，震撼整个香港娱乐圈之外，我认为真系好睇！”Thor则取笑强尼的写真可能已打不开：“硬㗎本嘢！”

旧写真流出化妆间震撼后辈　Alice遭Hailey问：原来你拍过呢啲？

陈安立就再爆料，指近日在公司化妆间见到Hailey的写真集，强尼即谓：“俾ZPOT佢哋睇呀！‘同你差唔多年纪呀𠮶阵时！’我哋睇已经冇反应，佢哋会‘哗……’（黄奕晨：呢啲先至系女人！）”Thor指自曾收到Hailey派的写真，但心想：“我唔敢收！摆边呀？”Hailey则澄清自己不是周街派，收到是荣幸，又透露：“有一日拍嘢，唔喺公司㗎，有个同事攞出嚟，跟住Alice（许宝恒）话‘原来你拍过呢啲㗎？’等我睇吓先！”众人即大叫：“咩呢啲呀！”但她理解Alice绝非贬义，纯粹是年纪太细冇睇过。Thor不停再“拨行把火”：“个尺度对你嚟讲好普通咋嘛，你呢个年代再影就唔止呢个尺度啦，普通一张相同𠮶时都差唔多！”陈子丰再补飞：“以前八个一本，依家一个一本！”

强尼感叹开台真人骚难再复制：点搏命观众唔信，话你有稿

Hailey之后再讲笑，指既然如此，会再向公司争取出真人骚，直击她拍写真的过程：“10集我都唔拍呀，要15集！希望到时喺LED mon度播，全公司一齐睇。（记者：整张对比图？）对比就唔好喇，骨胶原流失。”此时强尼忽然进入深情模式，感叹“有啲嘢做唔返”，他自言当初都是拍完《对不起，标签你》加入ViuTV，但近日翻看十分感慨：“做唔返，我觉得𠮶啲系……唔系技巧做唔返，𠮶时我哋攞好真实嘅情感去经历真人show，而家我哋话拍返真人show，观众都唔信，话你哋有稿，就算我哋几搏命出去拍真人show都冇用，但系我觉得系珍贵，而家觉得系冇可能复制，所以点解我觉得写真可以复制呢？真人show就唔得，𠮶时《SE7EN》都有血有泪！”之后Thor与黄奕晨都感叹现时不能再像十年前毅行，因为膝头已损毁。

金像奖重遇Ali勾有线回忆　强尼谈Ali拍《悠长假期》：我搲个角色做吓

此外，日前强尼与李佳芯（Ali）在金像奖红地毡聚头，令观众勾起不少二人在有线电视合作的回忆，强尼就以“转校”作比喻，透露：“我唔知佢而家依转算唔算转校，喺红地毡见返佢对我嚟讲我哋都开心，隔咗咁多年，但系我哋中间有见面。其实我哋有聚会嘅，但系𠮶时我哋唔会成日post出嚟咋嘛，费事啦。知道佢拍呢套嘢（新版《悠长假期》）嘅时候，我就‘咦？听讲你拍㖞！’佢就话‘系咩？’佢都唔系好Firm咁讲，睇吓我有冇机会搲个角色做吓，喺佢身边行过吓，做佢仆人𠮶啲，睇吓有冇机会咁样合作吓。”问到李佳芯与山口智子相似否，强尼直言香港与日本set up不同：“佢哋虽然都有姊弟恋，但系佢就再初出茅庐啲个感觉，我觉得呢个肯定系一个香港版本，因为成个set up会有啲唔同嘅，但系我觉得Ali就算而家，同当年嘅山口智子都有得挥，有得挥㗎！”