吕爵安做港版《悠长假期》木村拓哉 “牌友”佘诗曼：有睇头㖞
撰文： 林迅景
出版：更新：
佘诗曼和陈炜及一众《正义女神》演员今日（4月25日）出席宣传活动。佘诗曼和陈炜接受《香港01》访问时，均表示最后5集剧情紧凑，表示要留意剧情发展。佘诗曼说：“未播呀，好紧张，我自己都好想睇呀！专登唔喺网上睇，留返嚟同大家一齐睇结局篇。”
佘诗曼和陈炜及一众《正义女神》演员今日（4月25日）出席宣传活动。（林迅景 摄）
爆料筹备前传与续集 阿佘参演留悬念
《正义女神》大受欢迎，佘诗曼被问到会否“添食”拍下一辑？佘诗曼表示这个问题要由陈炜回答：“呢个可能你会知㖞。我唔知有冇我份。”陈炜回答：“呢啲嘢唔应该由我讲，要问返钟总监制，哈哈哈。”佘诗曼爆料：“前传嚟嘅。”陈炜补充：“前传同埋我哋《正义女神2》都会开。”佘诗曼有没有出演？她回答：“唔知呢。未来嘅嘢唔讲住啦，都要有个新剧本先，而家先播紧第一辑，二就慢慢谂吓先。（与钟总监制有其他合作计划？）有倾紧嘅，但系都未确实。”
佘诗曼好落力帮套剧宣传。（林迅景 摄）
排TVB大合照C位 陈炜谦虚回应视后暗示
最近一幅TVB大合照中，陈炜企正C位被认为是做一姐兼攞视后的暗示。陈炜就十分谦虚，回应：“冇啦，唔系呀，呢啲解读，摆位嚟啫。”佘诗曼：“C位咪好啰。”陈炜：“要留返乐小姐解答。”记者指，每年大合照都是指标，陈炜回答：“摆位都唔系好整齐。”
佘诗曼和陈炜爆《正义女神》会添食拍第二辑。（林迅景 摄）
评Edan演港版《悠长假期》 阿佘赞造型有睇头
Edan吕爵安接拍港版日剧《悠长假期》饰演木村拓哉的角色，问及“牌友”佘诗曼的意见，觉得Edan吕爵安似不似木村拓哉，她也回应：“我见到有啲网民，整咗AI个样同埋个头发，我初头以为，睇一睇又几似㗎㖞，都OK㖞，有睇头㖞，咁样啰。”
吕爵安做港版《悠长假期》木村拓哉，佘诗曼话睇完AI图，觉得几似几OK。（Threads图片）