雨侨日前（4月26日）为TVB新节目《夫妻肺片》录影，老公罗力威低调探班等老婆收工。雨侨接受《香港01》访问时，罗力威更贴心为她递上一支茶，更为她扭开瓶盖，贴心到不得了！

激死老婆系列：纪念日全忘记！

雨侨在访问中提到罗力威的缺点，坦言他从来都记不清求婚日子，结婚日子和年份，及拍拖纪念日。她笑言，3月份为他们结婚周年纪念：“啲网民都心急，最后我喺夜晚7，8点拍咗条片，问佢今日系咩日子，佢都系唔知。”她续道，有一次更离谱，原来当日罗力威需要带女儿去小学面试，但当天罗力威竟全然忘记了。

崩溃真相！阿女着睡衣去面试？

“有一日我收到工人姐姐张相，系阿女个头乱晒，着住瞓觉皱晒嘅衫，着一条唔啱着嘅短裙，话我哋已经考完。”原来是罗力威忘记了这件重要事情，然后才叫工人姐姐一个人带女儿去面试。雨侨表示无奈，因为事前准备了一套十分精致可爱的衣服，也因为罗力威忘记了，而变成工人姐姐一个人带衣着不整齐的女儿去面试⋯⋯“哗，头都痛埋，咩料呀。原来佢冇去到，泊唔到车所以叫工人姐姐同个女去。”另一样令雨侨崩溃的是，后来在妈妈群组中，有妈妈对她说：“‘你个女今日都几casual。’呀⋯⋯我明明买晒战衣，头饰，连袜都衬好晒。”所幸，女儿最后经派位入读了另一间心仪学校。

有辣有唔辣！100分“男朋友”睡前亲自讲故事

不过“有辣有唔辣”，罗力威亦因为温柔，懂得照顾雨侨而被大赞。“佢系100分㗎，头先讲话陀BB，未出世之前，如果瞓得唔好或者情绪唔好，夜晚佢会讲故事氹我瞓，连过场配乐都扮埋。佢系一个好好嘅男朋友。我生咗BB之后，佢仍然系一个好好，好细心嘅男朋友。”

笑称老公有“亚视保加症”？雨侨：佢觉得自己冇问题！

早前雨侨在网上公开表示，觉得罗力威有自闭症引来回响。“有呢个感觉，就冇确诊嘅。细个冇去test。（咁而家都唔需要）系呀，通常都系读书年代有困难先去检查，但系好多老婆都响应，就话：‘个老公都系亚视出身。’（注：亚视与亚氏保加症同音）哈哈哈。（会唔会个个老公都系咁？）都唔出奇，但系佢系比较唔敏锐于人哋情感。（公开讲会唔会对佢有影响？）哦，佢觉得自己冇问题，你放心。（我惊佢介意）就系因为觉得自己冇问题，呢一下就更加有问题，哈哈。”