邱士缙未婚妻李炘颐巴黎误订19人餐变包场：直头食唔落
撰文： 吴子生
出版：更新：
人气男团 MIRROR成员邱士缙（Stanley）早前惊喜宣布向拍拖 9 年的女友李炘颐（Alina）求婚成功，正式升级为准夫妻！今晚（28/4）Alina 首度于求婚后公开露面，接受《香港01》访问时不仅满脸幸福，更详尽披露了婚礼筹备进度，还回应在巴黎阔绰的“失魂意外”。
李炘颐今晚出席首映礼。（陈顺祯摄）
婚礼走简约路线
Alina透露，目前婚礼的筹备工作正有序进行。虽然Stanley近期忙于拍戏，但她作为“主理人”正全力筹备。她笑言：“寻晚啱啱发现一样好重要嘅嘢系唔记得咗，就系结婚戒指，唔记得咗要去拣，我谂住如果佢呢几日，拍剧有少少空档时间，就捉走佢去试。（想要咩款式婚戒？）我哋中意简单啲嘅款式，嘅可以长青啲戴得耐啲。（需唔需钻石代表永恒！）可以有几多㗎？（你而家讲就有啦！）真系嘅咩，真系唔使，悭返啲俾我食，同埋我觉自己会唔见，所以都唔好太贵重。”
Alina表示正全力筹备。（陈顺祯摄）
Fine Dining变私人宴会级别
提到早前在巴黎发生的“失魂事件”，Alina 笑言至今仍觉得夸张。她原想预订一家高级餐厅与 3位友人享用晚餐，却没想到因粗心大意，竟错手订19人Fine Dining 却成了“包场”级别：“当时入到餐厅系一个人都冇，跟住职员叫我哋free flow坐，当时都未察觉问题，到我哋坐咗成个钟之后，发现点解仲未有嘢食，先知原来Book咗成间餐厅。”
邱士缙未婚妻李炘颐巴黎误订19人餐变包场。（陈顺祯摄）
食唔落都要食晒
Alina 又指事发时已即时传短讯给未婚夫Stanley告知事件：“咁佢就话，咁都冇计啦，咁俾啰。但系好彩，上面仲有几台客，咁餐厅就叫咗上面𠮶几台客落嚟一齐坐住食咁样，即系有返啲人气。（未婚夫有冇闹你？）冇呀，佢都惯，我身边啲朋友都哦话你系咁，你好出色今次。（𠮶晚瞓唔著？）我𠮶晚望住啲嘢我直头食唔落，但我同自己讲俾咗两万蚊一定要食晒佢。”