MIRROR成员姜涛昨日（30日）迎来27岁的生日，日前（29日）他已经在启德体艺馆与6000名姜糖庆祝生日，而生日正日他则在家自己过，晚上11时半，姜涛戴著帽与口罩，在社交平台开直播与姜糖互动，更在直播中宣布今年的一个重要决定。

姜涛宣布今年暂停出歌

姜涛在直播中表示现在已经是5月份，往年他已经推出了一至两首歌，但是今年却一首都未有，然后他正式宣布今年将不会出歌：“我今年系会暂停所有出歌嘅计划，呢个系我大概几时，好似系差唔多两三月两个月前嘅谂法。应该话由上年自己嘅concert完咗之后，过咗两个月要制作新歌嘅时候，我仲记得𠮶个时候系去录 MIRROR嘅团歌嘅车程入面，𠮶个时候差唔多已经系二月尾三月嘅时候。”姜涛直指两个月前他已经有暂停推出新歌的想法。

姜涛表示公司有问过他什么时候出歌，但那一刻他觉得像“例行公事”一样：“系㖞，要出歌啦，出咩呢？”当下他就在车上思考到底要出什么，因为他以往有很多的想法：“我都知道好多人话，你又唔识作曲，你又唔识写词，你又唔出名，你凭咩话你自己谂到啲咩出啲咩歌咁样。其实我又唔系想解释啲咩，纯粹想同大家讲返，虽则我试过作曲嘅，但太难听。”在这个短短的车程内，他想了很多：“我喺个车程入面经历咗呢啲思想挣扎之后，喺落车前五分钟，我就觉得不如今年唔好出歌。即系既然冇呢个就唔好出，其实我都想畀自己静一年，唔好话一年啦，即系静一段时间，喺音乐呢条路上想自己去沉淀下去，去揾下一啲新嘅自己畀大家睇。”

姜涛谓好多唔钟意佢嘅人会好开心

姜涛又谓公司担心不出歌会被粉丝骂：“佢哋都话你唔出歌你会畀人闹㗎，我先话我今日想开个live，亲自同大家交代返呢件事。”他又苦笑地表示：“我相信有好多一啲唔钟意我嘅人都好开心，今年终于唔使听到姜涛呢条友去唱啲咩歌污染我耳仔，啱嘅，你哋今年唔使听啊，就系咁啦。”