在萤幕前，她是那个活泼可爱、总是带著笑容的 KOL 肥肥人Vivian(刘纭蔚)。但脱下网红标签，走进现实生活，Vivian 其实是一位为了梦想在演艺圈默默耕耘6年的斗士。肥肥人最近为HOY TV 拍摄节目《女行团》，节目本周首播，她接受《香港01》专访，罕有展现感性一面，大谈转型做 Artist 路上的苦与甜。

梦想与现实的拉锯：来自家庭的压力

Vivian 坦言，入行6年，最令她感到压力的并非工作辛苦，而是屋企人无声的担忧：“屋企人成日觉得呢行收入唔稳定，又觉得系食‘青春饭’，成日劝我不如正正经经揾份 Office 工。佢哋会话：‘你读完书，去考个政府工或者做行政，每个月稳稳定定拎几万蚊人工唔好咩？’”

面对家人的“金钱诱惑”，Vivian 也曾动摇，但她最终选择听从内心：“其实我有谂过㗎，但谂到要每日对住部电脑做重复嘅嘢，我真系会头晕。我好想透过表演，或者我嘅音乐，真系带到一啲嘢俾观众，而唔系纯粹为咗份粮。”

面对“问价”与网络暴力 高 EQ 反击

作为样貌标致的女艺人，Vivian 无可避免遇过演艺圈的“潜规则”挑战。她在访问中大方承认，曾收到不少“饭局邀约”甚至直接“问价”的私讯：“真系有好多呢啲 Message 㗎！有啲会直接开个价，仲话‘绝对保密’，问我有冇兴趣。我通常一睇到就当系垃圾邮件，完全唔会理，因为如果你一覆，对方就会觉得有机可乘。同埋我本身个人都几警觉，试过系有位女性朋友问过 ，但系我明知闻到阵味唔系好对路，我一定唔会去。点解我会发现，系因为佢眼神好闪缩，同埋问𠮶阵我特登问有咩人去，然后佢就话男女男女隔住坐，咁我就知咩事，我就拒绝咗佢话有嘢做唔去，同埋如果去啲聚会发现气氛唔对路，我就会即刻谂计闪人。”

面对网民对她外貌的攻击，甚至是“整容”或“有金主”的恶意揣测，她表现得非常豁达：“其实只要系生得稍微好睇少少嘅女仔，大概都俾人咁样讲过。以前会唔开心，而家就觉得：‘你哋讲啦，反正我控制唔到人哋把口，我做好自己、对得住支持我嘅人就够。’”

不断进化演艺路上的“优等生”

为了由 KOL 转型为专业演员，Vivian 付出了不少汗水：“我知自己仲有好多进步空间，所以我私下报咗好多演技班，仲有同泰臣（Tyson Chak）老师学戏。唱歌方面都唔敢懒，一定要练好基本功。虽然大家叫我‘肥肥人’，但我对自己要求好高，上镜前一定会疯狂戒口减肥，希望大家见到我嘅专业。”

感人告白 家用是她的成绩单

尽管工作不稳定，Vivian 却有一份令人动容的坚持：由大学三年级签约入行至今，无论收入多寡，她每个月都会准时给家用：“由最初俾几千蚊，到而家每个月俾到万几蚊，我觉得呢份钱系一张成绩单。我想话俾爹哋妈咪知，虽然我行呢条路比较难行，但我依然可以靠自己嘅努力，照顾到自己之余，仲照顾到佢哋。”